2017 jyly e-gov portaly arqyly 3,2 mln qyzmet kórsetilgen

Búginde «Tórtinshi óner­kásiptik revolıýsııa jaǵda­ıyn­daǵy damýdyń jańa múm­kin­dikteri» atty Elbasy Jol­­­­daýyn­daǵy on mindettiń bar­ly­ǵy da sıfr­landyrýǵa negi­z­del­gen. Eńbek jáne áleý­­mettik sa­lany sıfrly jańǵyr­tý «Sıfrly Qazaqstan» baǵdar­lamasy aıasynda júzege asyrylady. Osy rette, vıse-mınıstr S.Jaqypova bolashaqta úsh áleýmettik qyzmet, ıaǵnı ja­syna baı­lanysty zeınetaqy taǵaıyndaý, baza­lyq zeınetaqy tólem­deri men BJZQ-dan tóle­netin zeınetaqy boıynsha qu­jat­tardy qabyldaý «bir óti­nish» qaǵıdasymen júzege asyrylatynyn atap ótti. 

Búginde «Eńbek jáne áleý­m­ettik salany sıfrlandyrý» ta­qy­ryby óz kezeginde áleý­met­­tik kómekke muqtaj jandar úshin senimdi serpin ekeni ras. Sıfrly tehnologııa­lardy keń aýqymda engizý boıyn­sha El­basy tapsyrmasyn oryndaý maqsatynda eńbek jáne áleýmettik qamsyzdandyrý salasynda 7 baǵytta joǵary teh­nologııa­ǵa negizdelgen jobalar qolǵa alyndy. S.Jaqypova­nyń málimdeýinshe, elektrondy eńbek bırjasy, eńbek keli­sim­sharttaryn elektrondy tirkeý, óz-ózin eńbekpen qamtyǵandardy elektrondy tirkeý, baqylaýdy uıymdastyrýǵa elektrondy ruqsatnama berý, elektrondy áleýmettik-medısınalyq saraptama, áleýmettik qyzmet­ter­diń elektrondy portaly, muqtaj azamattardyń áleý­met­tik regıstri syndy jańa jo­balar bolashaqta biryń­ǵaı aqparattyq júıe arqyly qazaqstandyqtardy dúnıege kelgen kúninen bastap ómir boıy «súıemeldemek». Son­daı-aq barlyq kezeńde avtomat­tan­dyrylǵan qyzmetter kórsetýge múmkindik beredi.

Jıyn barysynda vıse-mı­nıstr múgedektik pen eń­bekke qabilettilik­ten aıyrylý deń­geıin belgileýdiń jańa ere­­je­lerine toqtaldy. «Biz osy sala­daǵy qyzmetterdi kompozıttik for­matta kórsetýge kóshirýdi júzege asyr­dyq. Eger buryn mú­ge­dektikti bel­gileý, járdem­aqy­lardy taǵaıyndaý jáne eńbek etý qabiletinen aıyryl­ǵan jaǵdaıda áleýmettik tólem alý úshin adam úsh uıymǵa jú­gin­gen bolsa, qazir tek bir uıymǵa júginedi. Keleshekte bul ótini­shter elektrondy túrde e-gov arqyly qabyldanatyn bolady, ıaǵnı medısınalyq-áleýmettik saraptama ótinish berýshiniń jeke qatysýynsyz júzege asyrylady dep josparlap otyr­myz. Bul sondaı-aq adamı faktordy joıa­dy jáne sybaılas jemqorlyq qater­lerin tómendetedi», dedi ol. Budan keıin birer aıda óz tıimdiligin kórsetip úlgergen elektrondy eńbek bırjasyna toqtalǵan vıse-mınıstr onyń bazasynda ózin-ózi jumys­pen qamtyǵan barlyq adamdar úshin mem­lekettik kiris or­gan­darynda ońaı­latylǵan «tirkelý-rásimdelý» meha­nızmi iske qosylatyndyǵyn atap ótti. Aldaǵy ýaqytta jumys berýshiler men jumyskerlerdiń eńbek sharttaryn biryńǵaı esepke alý júıesi en­gizilmek. Mysaly, bırjanyń alǵashqy nátıjelerine nazar salatyn bolsaq, bir jarym aıdyń ózinde ol arqyly 15 myń jumys izdeýshi ózderiniń mamandyǵy men ótiline saı keletin jumys tapqan. «Búginde elektrondy bırjada 8 myńnan astam túıindeme jáne 30 myńnan astam bos jumys orny ornalas­tyrylǵan, ıaǵnı bırja jumys istep tur, oǵan qosa barlyq 199 jumyspen qamtý ortalyǵy, jumysqa ornalasý jónindegi 10-nan astam ınternet alańy jáne kelesi jyldan bastap iske kirispek jumyspen qamtý jeke agenttikteriniń sany shamamen eki esege ósedi», deıdi S.Jaqypova.

Taǵy bir aıta keter jaǵym­dy jańalyq, budan bylaı elektrondy formatqa aýystyryl­ǵan eńbek sharttary qaǵaz túrin­degi eńbek kitapshalarynan bas tartýǵa múmkindik bermek. Al­da­ǵy ýaqytta sıfrlanǵan eń­bek sharttary azamattardyń kiris­terin jalpyǵa birdeı dek­la­rasııa­laýdy engizý úshin negiz bolmaq.

Árıne bir kúnde bul meha­nızm­­der óz nátıjelerin bere qoımas, deıdi S.Jaqypova. Alaı­da kórsetiletin qyzmetter kólemi turaqty túrde ósýde. «Osy jyly 19 mln-nan astam qyzmet, onyń ishinde 17 paıyzy e-gov portaly arqyly kór­se­tilgen. Barlyq qyzmet alý­shy­lar boıynsha derekter onlaın rejimde jańartylyp, aza­­mat­tardyń áleýmettik qu­qyq­taryn qamsyzdandyrýdy monı­torıngileýge jáne qajet bolǵan jaǵdaıda relevantty sheshimder qabyldaýǵa múmkindik beredi», dedi ol. 

Budan keıin áleýmettik saq­tandyrý júıesine qatysty aıtyp ótken vıse-mınıstr mem­l­ekettik áleýmettik saq­tandan­dyrý qoryna tólenetin jarna­­larǵa turaqty túrde monı­torıng júrgizý arqyly kásiporyn­dardyń jalaqy bo­ıynsha, árbir jumyskerdiń bıýdjet­tik emes qorlarǵa mindet­ti tólemderi boıyn­sha bere­she­gin aıqyndaý múmkindigi bar eken­digin málim­dedi. Ázirge bul aq­parat tek ákim­dikter men memleket­tik kiris­ter komıtetine berilgen.  S.Jaqypova sondaı-aq áleý­mettik kómek júıesine qatysty máselelerge toqtaldy. Máse­len, burynǵy ataýly áleýmettik kómektiń, balalarǵa beri­letin memlekettik járdem­aqy men kóp balaly otbasylarǵa kórsetiletin arnaýly memlekettik kómektiń ornyna jyl basynan bastap jańa formattaǵy ataýly áleý­met­tik kómek engizilgen bolatyn. «Ony alý úshin azamattar ju­mys­pen qamtý ortalyqtaryna jú­gi­netin bola­dy. Budan ári ataý­ly áleýmettik kómekti ótinish berý emes, proaktıvti tásil ar­qy­ly kór­setý josparlanýda, ıaǵnı áleý­mettik qyzmetter mem­le­ket­tik qoldaý sharalaryn ómir­lik qıyn jaǵ­daıǵa tap bolǵan adam­­nyń júginýin kútpeı-aq kór­se­tetin bolady», deıdi S.Jaqypova.

Mıras ASAN, «Egemen Qazaqstan»