«ArselorMıttal Temirtaýda» jańa qaýipsizdik júıeleri óndiristik jaraqattar men qaıǵyly jaǵdaılardy boldyrmaý úshin engiziledi, dep habarlaıdy Qaraǵandy oblysy ákimdiginiń baspasóz qyzmeti.
Kenshiler kamera, dınamıka, ottek jáne metan qurylǵylarymen jabdyqtalady. Eki qurylyǵy shamǵa, taǵy ekeýi akkýmýlıatorǵa ornatylady. Sondaı-aq shamǵa beınekamera men dınamık ornatylady. Osylaısha, dıspetcher jer astyndaǵy jumystardyń qalaı júrip jatqanyn jáne metan deńgeıin baqylaı alady. Eger kenshilerdiń biri 15 mınýttan artyq qozǵalmasa, onda birden dabylqaqqysh qurylǵy iske qosylady.
Jańa qaýipsizdik júıesin «ArselorMıttal Temirtaýdyń» atqarýshy dırektory Vadım Basın «Nur Otan» partııasy Tóraǵasynyń Birinshi orynbasary Máýlen Áshimbaevtyń kásiporynǵa jumys sapary barysynda tanystyrdy.
"Biz osy júıeni daıyndaǵan Sibirdegi SÝEK kompanııasy arnaıy bardyq. Bıylǵy jyly biz bul júıeni shahtalarymyzdyń birinde, kelesi jyly taǵy ekeýinde engizemiz. Osylaısha, 3-4 jyldan soń, meniń oıymsha barlyq segiz shahtada osy qaýipsizdik júıesi jumys jasaıtyn bolady",-dep túsindirdi Vadım Basın.
Máýlen Áshimbaev jańashyldyqty qoldap, el úshin qazaqstandyqtardyń densaýlyǵy men óndiristegi qaýipsizdigi mańyzdy ekenin atap ótti. 10-shy naýryzda Kostenko atyndaǵy shahtanyń jeldetý túıisimi ýchaskesinde órt shyqqan bolatyn. Jumysshylar jer betine shyǵaryldy, eshkim zardap shekken joq. Búgingi tańda, «ArselorMıttal Temirtaýdyń» habarlaýynsha, shahtadaǵy jaǵdaı turaqtaldy, órt toqtatyldy. Aldyn ala boljam boıynsha órtke «tabıǵı qubylys» sebep bolǵan.