26 qarashada Astanada Qazaqstan Respýblıkasynyń Syrtqy ister mınıstri Erjan Qazyhanov Eýroodaqtyń Qazaqstandaǵy О́kildiginiń basshysy – Elshi Norbert Jýstendi onyń dıplomatııalyq qyzmetiniń aıaqtalýyna baılanysty qabyldady, dep habarlady QR SIM-iniń baspasóz qyzmeti.
E.Qazyhanov eýropalyq dıplomatqa jemisti eńbegi úshin jáne Qazaqstan-Eýropa yntymaqtastyǵynyń damýyna zor úles qosqany úshin alǵys bildirdi.
Qazaqstan basshylyǵynyń Eýropadaǵy áriptesterimen yntymaqtastyqty kúsheıtýge asa mán beretindigin jetkizgen qazaqstandyq mınıstr, QR men EO ekijaqty yntymaqtastyǵyn jańa sapaly deńgeıge kóterý úshin qajetti barlyq áleýet bar ekenin atap kórsetti. Al saıası suhbattyń joǵary deńgeıde damýyn eki jaqtyń saıası erik-jigeri men yntymaqtastyqtyń nyǵaıýy dáleldeıdi, dedi E.Qazyhanov óziniń sózinde.
Sóz retine qaraı aıta ketsek, 2010 jyly Qazaqstan Prezıdenti N.Nazarbaev EO-nyń Brıýsseldegi shtab-páterinde eki ret boldy. Eýropa Odaǵynyń tóraǵasy H.Van Rompeı byltyrǵy jyldyń jeltoqsan aıynda Astanada ótken EQYU Sammıtine qatysty. Bıyl N.Nazarbaev Eýropalyq Komıssııanyń tóraǵasy J.M.Barrozýmen (19 sáýirde) Kıevte ótken ıadrolyq energııa sammıtinde kezdesti. Al H.Van Rompeımen BUU Bas Assambleıasynyń 66-shy sessııa jumysynda júzdesti.
Al keshegi kezdesýde taraptar EO-nyń Ortalyq Azııadaǵy strategııasynyń jáne bıyl aıaqtalatyn «Eýropaǵa jol» Memlekettik baǵdarlamasynyń iske asyrylýy barysyn qarastyrdy. Bul aǵymdaǵy jyldyń 24 qarashasynda Astanada sátti ótken «Qazaqstan – Eýropa Odaǵy: yntymaqtastyqtyń jetistikteri men jańa múmkindikteri» atty halyqaralyq konferensııanyń nátıjesi bolyp tabylady.
Kezdesý sońynda N.Jýsten Qazaqstandy 20 jyldyq Táýelsizdik mereıtoıymen quttyqtap, elimizdiń egemendik alǵan jyldaryndaǵy qol jetkizgen jetistikterin joǵary baǵalady.