Til janashyrlaryna qurmet

Táýelsizdigimizdiń 20 jyldy­ǵyna oraı elordadaǵy «Beıbitshilik jáne kelisim» saraıynda «Til janashyry» qoǵamdyq birles­ti­gi­niń bastamasymen jáne Máde­nıet mınıstrligi Til komıtetiniń qol­daýy­men «Til janashyry» Qurmet belgisimen marapattaý rásimi bo­lyp ótti. Elbasy Jar­ly­ǵymen bekitilgen «Tilderdi qoldaný men damytý» memlekettik baǵdar­la­ma­sy aıasynda uı­ym­dastyrylyp kelgen bul mara­pat­qa – rýhanııa­ty­myz­ǵa shynaıy janashyrlyq ta­nytyp, naqty isimen qazaq tiliniń kórkeıýine úles qosqan memlekettik qyzmet­ker­ler, qoǵam qaıratkerleri men bu­qa­ralyq aqparat ókilderi ıe bo­lyp kelgen bolatyn. Memlekettik tilimizdiń qo­ǵam­da keńirek nasıhattalýyna yqpal etý maqsatynda uıym­das­ty­rylyp kelgen bul shara osymen úshinshi márte ótkizilip, bıylǵy marapatqa onyń janashyr­lary­men  birge óz qara­ja­tymen qazaq tili men mádenıetine qa­tysty sharalarǵa demeýshilik ta­nyt­qan mesenattar da ıe bolyp otyr. Bıylǵy «Til jana­shyrlary» qurmet belgisimen – «Qazaqstan-Zaman» gazetiniń bas redaktory Ahmet Alıaz, «Bolashaq» qaýymdastyǵynyń tóraǵasy Baýyrjan Baıbek, Qazaqstannyń eńbek sińirgen qaıratkeri, fılologııa ǵy­lymdarynyń doktory Nama­zaly Omashev, respýblıka J­oǵarǵy Sotynyń qyl­mys­tyq ister jónindegi qadaǵalaý sot alqasynyń sýdıasy Ádil Quryqbaev, qazaq aıtys óneriniń uıym­dastyrýshysy, aqyn Júrsin Erman, «Habar» agenttigi AQ basqarma tóraǵasy Aıdos Úkibaı, «Aı­qyn» gazetiniń bas redaktory Nurtóre Júsip, «Altyn qyran» kompanııalar tobynyń bas dırektory, mesenat Islambek Saljanov, «Nátıje» sút fabrıkasynyń dırek­tory, mesenat Erlan Áshi­mov, «7»-telearnanyń dırek­tory Bıbigúl Jeksenbaı, «Qazneftegazprom» kompa­nııasynyń prezıdenti, mesenat Jánibek Elekbaev, «Qazaq­stan» UTK-nyń júr­gizýshisi Maıa Veronskaıa, «Alash aınasy» gazetiniń bas redaktory Serik Janbolat, «Aıgólek» jýrnalynyń bas redaktory Qymbat Ábildına, «Qazaqsha «Vıkıpedııa» qoǵamdyq qorynyń basshysy Raýan Kenjehanuly, sazger-ánshi Marat Omarov pen «Jas qazaq» gazetiniń bas redaktory Qazybek Isa marapattaldy. Berik SADYR.