Mektepterde ınformatıka pánin birinshi synyptan bastap oqytý máselesi qarastyrylyp jatyr, dedi Bilim jáne ǵylym mınıstri Erlan Saǵadıev Májilistegi úkimet saǵatynda.
"Ekonomıkalyq yntymaqtastyq jáne damý uıymy (OESR) elderinde kóp baǵdarlamalar birinshi synyptap bastap oqytylady. Bizde ınformatıka páni mektepte besinshi synyptan bastap oqytylady. Al bıyl úshinshi synyptan bastalady. Sonymen qatar 1-5 synyptarda ınformatıka pánindegi programmalaý tilderi qaıta qarastyrylatyn bolady. Programmalaý tilderi tez ózgerip otyrady. Sondyqtan bizdiń balalar eń sońǵy programmalarmen oqýy kerek bolyp tur", — dedi E.Saǵadıev.
Sonymen qatar, "ınformatıkany oqytýdy birinshi synyptan bastap engizý múmkindigi boıynsha sarapshylarmen jumys júrgizilip jatyr. Qazir joba jasalyp, ári qaraı bul másele qoǵam men muǵalimdermen talqylanatyn bolady", — dedi mınıstr.