Osy eldiń azamaty retinde men kásipkerlik qyzmetke tolyq qoldaý jasalǵan, turaqtylyq ornaǵan, bolashaqqa nyq qadam basqan elde turatynymyzdy sezindim.
Memleket basshysy aıtqan tórtinshi áleýmettik bastamada kásipkerlik salaǵa qoldaý kórsetý, atap aıtqanda, mıkronesıelendirýdi keńeıtý máselesi kóterildi. Mıkronesıelendirý isin áli de jetildire túsý halyqtyń ózin-ózi eńbekpen qamtyp otyrǵan bóliginiń jumys tabýyna múmkindik týǵyzatyny sózsiz. Barlyq deńgeıdegi kásipkerlik qurylymdar eńbekpen qamtý isinde jáne halyqtyń turmys sapasyn kóterýge, sol arqyly eldegi áleýmettik ahýaldy jaqsartýǵa yqpal etetinin eskersek, bul óte mańyzdy. Elimizdiń odan ári áleýmettik-ekonomıkalyq damýy osyǵan baılanysty.
Sóz joq, bul maqsatqa bıznes orta men memleket ózara tize qosyp áreket etkende ǵana jete alady. Búgingi tańda memleket tarapynan bıznes salasyn damytýǵa erekshe jaǵdaı jasalyp otyr. Endigi kezekte jeke kásipkerlik barynsha qanat jaıyp, qarqyndy túrde damýǵa tıis. Men barlyq kásipkerler men el azamattaryn Elbasy kótergen bastamalardy júzege asyrý úshin ózara tize qosyp, belsendi túrde áreket etýge shaqyramyn.
Ásen JAQSYLYQOV, «Gormolzavod» JShS dırektory