Fransııanyń burynǵy prezıdenti Nıkolıa Sarkozı qamaýǵa alyndy. Bul týraly bbc.com habarlady.
Qazirgi ýaqytta Nanter qalasyndaǵy polısııa ýchastkesinde eks-prezıdentten jaýap alynyp jatyr.
Nıkolıa Sarkozı 2007 jyly prezıdenttik saılaý naýqany kezinde óreskel zańbuzýshylyqqa jol bergeni boıynsha tergelip jatyr. Iаǵnı Lıvııa tarapynyń zańsyz qarjylandyrýyn paıdalandy degen aıyp boıynsha tergelip otyr.Le Monde basylymynyń aqparynsha aldaǵy 48 saǵat boıy odan jaýap alynady. Osydan keıin sot bıligi oǵan resmı túrde aıyp taǵýy múmkin.
Osy is boıynsha burynǵy prezıdentten alǵash ret tergelip otyr. Osyǵan deıin zańsyz áreketke qatysy bar eki kúdikti 2007 jyly qolma-qol bir mln eýronyń Trıpolıden Parıjdegi Sarkozıdiń tobyna jetkizilgenin moıyndaǵan. Al Lıvııanyń burynǵy ınvestısııalyq qorynyń eks-basshysy Bashır Saleh eldiń burynǵy kóshbasshysy Mýammar Kaddafı Sarkozıdiń ujymyn qarjylandyrǵany týraly aqparatty rastady.