Naýryz meıramy - bereke men birliktiń, yrys pen molshylyqtyń bastaýy. Kún nuryna malynǵan kóktemniń shýaqty shaqtarymen birge jer býsanyp, «arqanyń qysy attan túsetin» kez, ǵasyrlarǵa ulasqan ejelgi búkilhalyqtyq qasıetti mereke.
-Qala turǵyndarynyń osy bir saltanatty merekeni beıbit túrde shat-shadyman atap ótýlerin qamtamasyz etý maqsatynda tártip saqshylary kúsheıtilgen qyzmet atqarýǵa kóshti,-dedi Semeı qalalyq ishki ister basqarmasy baspasóz qyzmetiniń jetekshisi Elýbek Ospanov,-soǵan qaramastan búgin bizdiń basshylyq jáne jeke quram Naýryzdy atap ótti.
Polıseılerdiń Naýryzyn qalalyq IIB bastyǵynyń orynbasary polısııa polkovnıgi Talǵat Quljanbekov ashyp, Naýryz - el tynyshtyǵy men turaqtylyǵynyń, izgilik pen beıbit ómirdiń nyshanyn tanytatyn, barsha ulttar men ulystardy biriktiretin qýanyshqa toly ortaq mereke ekenin aıtty. Jeke quramdy Naýryz merekesimen quttyqtap, tyń bastamalar, izgi maqsattar men ıgilikti isterge jetýdi tiledi.
Merekelik is-shara barysynda QR IIM buıryǵymen dástúr boıynsha bir qatar qyzmetkerge pagondar tabystaldy. Sondaı-aq qoǵamdyq tártipti saqtaýda, óziniń qyzmettik mindetterin adal atqarǵany úshin ishki ister bastyǵynyń buıryǵymen 9 qyzmetker gramotamen, 9 qyzmetker alǵys hatpen jáne 118 qyzmetker aqshalaı syıaqymen marapattaldy. Saltanatty jıyn sońy qalalyq estrada juldyzdarynyń daıyndaǵan konserttik baǵdarlamasymen jalǵasty.
Raýshan NUǴMANBEKOVA