Bastama men basymdyq

Prezıdent ha­lyqqa Úndeýinde: «Men ór­ken­degen Qazaqstan – eń aldymen memleketi ózin qorǵap, qol­daıtynyn, qamqorlyq jasaıtynyn sezinetin, tıisinshe elin jan júregimen súıetin, óz­derine senimdi adamdar dep sa­naımyn», dedi. Shyndyǵynda, elin jan júregimen súıý – ha­lyq­tyń memleket isimen úndes­tiginiń kórinisi. Nursultan Nazarbaev­tyń bul sózderin júregimizge jaqyn qabyldadyq. Ásirese, ulttyq-mádenı birlestikterge na­zar aýdarǵany qýantty. Osy oraıda Qazaqstan halqynyń bir­ligine QHA-nyń qosqan úlesin maqtanyshpen aıta alamyz. Endi Memleket basshysy Nursultan Nazarbaevtyń naý­ryz­daǵy Úndeýine baılanys­ty «Qazaqstan – bizdiń ortaq úıimiz» ıdeıasy jańa maǵynamen tolyǵa túsýi tıis. 

Úndeýdiń mazmuny tutastaı ult­tyń ál-aýqatyn kóterýge ar­nalǵan. Ulttyq bank keminde 1 trıl­lıon teńge qarjy tartatyn­ arnaıy kompanııa quryp, ol qarjyny bankterdiń joǵaryda aıtylǵan sharttar boıynsha­ be­retin jańa ıpotekalyq nesıe­lerin satyp alýǵa jumsap, nesıe ósiminiń mólsherlemesin qa­zir­gideı 14-16 emes, jylyna 7 paıyzdan aspaıtyndaı etý týra­ly bastama kóterildi. Sondaı-aq ortalyq jáne soltústik óńir­­lerge gaz jetkizýge baıla­nys­ty utymdy sharalar beki­til­di. Demek, bul bastamalar Prezıdenttiń burynǵy usy­nystary tárizdi áleýmettik mem­­lekettiń shynaıy ári syndarly qazaqstandyq modelin qalyptastyrýǵa baǵyttalǵan. 

Endi shaǵyn nesıe alatyn­dardyń sany 2017 jylmen sa­lys­tyrǵanda 2 esege artyp,­ 14 myń adamǵa jetetin bola­dy. 2019 jyldyń 1 qańtarynan bastap salystyrmaly túrde jalaqysy tómen qazaqstandyqtardy qol­daý úshin olardyń salyq júk­te­mesin 10 esege azaıtyp, 1 pa­­ıyz ǵana salyq salynady. Bul sharanyń nátıjesi boıynsha jalaqynyń ósimi jumys be­rý­shilerdiń júktemesine áser et­peı­tindigi mańyzdy. Ári qa­raı Úkimet tabys salyǵynyń pro­gressıvti shkalasyn engizý múmkindigin zerdeleıtin boldy.­ Bul júıe jalaqysy tómen adam­dar­dyń tabysyn artty­ryp, halyq­tyń ómir súrý deń­geıin yńǵaıymen teńestirýge múm­kindik týdyrady. Úndeýdiń Prezıdent erekshe basymdyq bergen taǵy bir ma­ńyzdy baǵyty retinde qazir jyl saıyn bólinetin 54 myń grant­qa qosymsha 2018-2019 oqý jylynda taǵy 20 myń grant bóli­netindigin aıtýǵa bolady.

Sonymen birge tehnıkalyq já­ne aýyl sharýashylyǵy ma­mandyqtary boıynsha bar­lyq joǵary oqý oryndary grant­tarynyń qunyn ulttyq joǵary oqý oryndarynyń granttary­ deńgeıine deıin kóterý qaras­tyrylǵan.  Prezıdent Nursultan Nazarbaev­tyń qoǵamnyń áleý­met­tik birligin nyǵaıtýǵa ba­ǵyt­talǵan bastamalary eldiń muq­­tajdyǵyna saı keldi dep esep­teımin.

Gúlnar ANNAKÝLIEVA, Almaty qalalyq jáne Almaty oblysynyń «Túrkimen qoǵamdyq-mádenı ortalyǵy» QB tóraıymy