Álemde ashyqqan adamdar sany bir jyl ishinde 11 mıllıon adamǵa artqan. 2017 jyldyń qorytyndysy boıynsha, jer betindegi 124 mıllıon adam ashtyqtyń aýyr zardabyn tartyp otyr. Bul derekter 22 naýryzda jarııalanǵan BUU baıandamasynda aıtylǵan.
Jalpy álemdegi ashtyqqa qaqtyǵystar, ekstremaldy aýa raıy jaǵdaıy men onymen baılanysty azyq-túlik baǵasynyń qymbattaýy kóp sebep bolady. Aıtalyq, 18 eldegi, onyń ishinde 15 el Afrıka men Taıaý Shyǵysta ornalasqan memleketterdegi áskerı qaqtyǵystar elderdiń ashtyqtyń jaılaýyna alyp kelgen.
«Ashyqqan adamdar sany Mıanma, Nıgerııanyń soltústik-shyǵysy, Kongo Respýblıkasy, Ońtústik Sýdan jáne Iemendegi taraptar arasyndaǵy teke-tires pen turaqsyzdyq esebinde ósken. Shyǵys jáne Ońtústik Afrıka elderindegi uzaqqa sozylǵan qurǵaqshylyq bul tizimdegilerdiń sanyn arttyrǵan», -delingen halyqaralyq uıymnyń baıandamasynda.
BUU 2018 jyly Aýǵanstan, Ortalyq Afrıka respýblıkasy, Kongo, Nıgerııa, Ońtústik Sýdan, Chad ózeni óńirleri, Sırııa, Lıvııa, Malı syndyq elderde azyq-túlik jetispeýshiligi baıqalatyndyǵyn boljaýda.