Tashkent-Shymkent velosherýiniń qatysýshylary 130 km qashyqtyqty artqa tastap Shymkent qalasyna keldi.
Qazaqstan jerinde júrek jalǵap alǵan qatysýshylar, aldaǵy 100 km qashyqtyqty júrip ótýdi maqsat etti. Atalǵan velosherýge qatysýǵa Qazaqstan jáne О́zbekstan azamattary ótinish bildirgen. Qazaqstannan Almaty, Astana, Taraz jáne Shymkent qalalarynyń turǵyndary qatysty. Qatysýshylar arasynda eń úlkeniniń jasy – 60 jasta bolsa, eń kishkentaıy- 11 jasta. Aıta keteıik, qatysýshylardyń barlyǵy kásipqoı velosıpedshiler emes. Olardyń barlyǵyna arnaıy jaǵdaı jasalyp, árbir 25 shaqyrym saıyn júrek jalǵaıtyn taǵamdar uıymdastyrylǵan shatyrlar ornalastyrylǵan bolatyn.
Velosherýge qatysýshylar 130 shaqyrymdy basyp ótip, keshki 18:00-de Shymkent qalasynyń ortalyǵyna kelip jetti. Olardy kútip alǵan ońtústikqazaqstandyqtar zor qoshemetpen qarsy aldy.
Sondaı-aq, oblys basshysy «Qazaq pen ózbek – túbi bir týysqan halyqtar. Eki eldiń arasyndaǵy tarıhı qarym-qatynas burynǵy jibek-joly kezeńinen baılynys taýyp, baýyrlastyq pen dostyqqa negizdelip keledi. Eki eldiń mádenıeti men salt-dástúri, dini, tili uqsas. Qazaqstan men О́zbekstan bul baılanysty táýelsizdik jyldary saqtap qana qoımaı, nyǵaıtyp, jańa deńgeıge kóterýde. О́zbekstan Prezıdentiniń Qazaqstanǵa jumys sapary aıasynda Elbasymyz Nursultan Ábishuly Nazarbaev Shavkat Mırzııoevpen kezdesti. Kezdesýde ózbek kóshbasshysynyń bıylǵy naýryz aıyndaǵy memlekettik sapary barysynda eki el arasynda qol jetkizilgen ýaǵdalastyqtardyń iske asyrylý máseleleri talqylandy. Kezdesý nátıjesinde 2018 jyly Qazaqstan Respýblıkasyndaǵy О́zbekstan jyly bolyp jarııalanýyna baılanysty, eki eldiń dostastyǵyn arttyrý úshin búgin halyqaralyq velosherýi uıymdastyrylyp, óz máresine jetip otyr. 130 shaqyrymdy quraıtyn búgingi buqaralyq sporttyq is-sharaǵa qatysýshylar qala turǵyndaryna úlgi bolyp, jastarymyzdyń sportqa degen qyzyǵýshylyǵynyń artatynyna senimdimin» ,- dedi mejege jetken velosherýshilerdi kútip alǵan oblys ákimi Janseıit Túımebaev.
Sondaı-aq shara barysynda birqatar qatysýshylardy dıplommen marapattady.
Halyqaralyq velosherýge Qazaqstan velosport federasııasynyń vıse-prezıdenti Raıymbek Battalov bastaǵan qonaqtar da qatysty.