Aqmola oblysynda jolda qalǵan 40 adam qutqaryldy. Bul týraly QR IIM TJK resmı ókili Rýslan Imanqulov habarlady.
24 naýryz túngi saǵat 01:26 shamasynda Esil aýdany aýmaǵynda «Jaqsy-Esil-Buzýlyq» tas jolynyń jabylýyna baılanysty «Astana - Rýdnyı» baǵytyndaǵy jolaýshylar avtobýsynda bolǵan 26 jolaýshy, onyń 10 bala qutqaryldy.
Jolaýshylar Esil qalasyndaǵy №7 agrotehnıkalyq kolledjge jetkizildi. «Qutqarý jumystary aımaqtyq TJD jeke quramynan 1 adam jəne 1 arnaıy tehnıka, jergilikti atqarý organdarynyń 1 qyzmetkeri men tehnıkasy jumyldyryldy», - dedi Rýslan Imanqulov.
Sonymen qatar, ol Astrahan aýdany aýmaǵynda «Ekaterınbýrg -Almaty» tas jolynyń jabylýyna baılanysty «Astana-Staryı Kolýton» baǵytynda júretin «Gazel» jolaýshylar shaǵyn avtobýsy 14 jolaýshysymen qaýipsiz jerge (№4 Jaltyr OM) jetkizilgenin de atap ótti. Buǵan deıin habarlaǵanymyzdaı, sınoptıkter 23-24 naýryz kúnderi Aqmola oblysy aýmaǵynda kóktaıǵaq, qatty jel bolatyndyǵy týraly eskertken bolatyn.