Búgin túske taıaý Shemonaıha aýdanynda jergilikti aýqymdaǵy tótenshe jaǵdaı jarııalanǵany belgili. Oblystyq Tótenshe jaǵdaı departamentiniń baspasóz qyzmeti 107 adamnyń (onyń – 12-si bala) sý basqan úılerden shyǵarylyp, bir bóligi eldi mekendegi orta mektepke ornalastyrylǵanyn, bir bóligi týystarynyń úıin panalap otyrǵanyn habarlady.
Qazir aýdanda jeke quramnyń 50 adamy men 11 tehnıka jumys isteýde. Oblys ortalyǵynan MI-2 tikushaǵy men «Vostokvrzyvprom» mekemesiniń qyzmetkerleri kómekke jóneltilgen.
Departamenttiń baspasóz qyzmetiniń taratqan málimetterine súıensek, Úbi ózenine taıaý mańda ornalasqan 40 úı men 12 aýla aýmaqtaryn sý basqan.
Azamat QASYM, «Egemen Qazaqstan» Shyǵys Qazaqstan oblysy, Shemonaıha aýdany Sýretter oblystyq Tótenshe jaǵdaı departamentiniń baspasóz qyzmetinen alyndy