Nursultan Nazarbaev Reseı Federasııasynyń Prezıdenti Vladımır Pýtınge kóńil aıtý jedelhatyn joldady, dep habarlaıdy Aqordanyń baspasóz qyzmeti.
Memleket basshysy Kemerovo qalasynyń saýda jáne oıyn-saýyq ortalyǵyndaǵy órt saldarynan kóp adamnyń qaza tapqany týraly habardy zor kúızelispen qabyldady.
«Qazaqstan halqynyń jáne jeke ózimniń atymnan qaza bolǵandardyń týystary men jaqyndarynyń qaıǵysyna ortaq ekenimdi jetkizýińizdi suraımyn.
Zardap shekkenderdiń tezirek saýyǵyp, otbasylaryna oralýyna tilektestik bildiremin», – delingen jedelhatta.