Svetlana Ananeva: Bes áleýmettik bastama – erteńge senimdilik

«Belarýs» mádenı ortalyǵy keńesi músheleriniń kópshiliginiń tirshiligi elimizdiń joǵary jáne joǵary oqý ornynan keıingi bilim salasymen bite qaınasyp jatyr. Al Prezıdent bastamalarynan keler urpaqqa, stýdent jastarǵa degen qamqorlyǵy baıqalady.

Prezıdenttiń úshinshi bastama­sy joǵarǵy bilimniń qoljetim­diligi men sapasyna arnalǵan. Bul – álemge ortaq trend, adam qundy­lyǵyna quıylǵan qazyna.

Osy oraıda jyl saıynǵy 54 myń grantqa «tórtinshi ónerká­siptik revolıýsııa jaǵdaıyn­d­aǵy jańa ekonomıkada zor suranys­qa ıe bolatyn san myń jańa maman  daıarlaýǵa múmkindik bere­tin» qo­symsha 20 myń granttyń bó­li­ne­tin­digi qanattandyrmaı qoımaıdy.

Osy arqyly nanotehnologııa, robot-tehnıka, aqparattyq tehnologııa salalarynda myńdaǵan mamandar, ınjener kadrlar daıar­laýǵa múmkindik týady. Qazaq­stan Respýblıkasynyń bilim júıesi álemdik kóshke qosylady.

Bilim salasyn óziniń ınvestı­sııalyq jobalary men eksporttyq áleýeti bar ekonomıkanyń jeke salasy retinde qaraý mańyz­dy. Prezıdent Nursultan Nazarbaevtyń «Tórtinshi óner­­kásiptik revolıýsııa jaǵ­daıynd­aǵy damýdyń jańa múm­kindikteri» atty Jol­daýyn­daǵy ıdeıasy «Pre­zı­d­enttiń bes áleýmettik bastamasynda» zańdy jalǵasyn tapty. Kóbeıgen tek grant emes. «Sony­men birge, tehnıkalyq jáne aýyl sharýa­shylyǵy mamandyqtary boıynsha barlyq joǵary oqý oryndary granttarynyń qunyn ulttyq joǵary oqý oryndarynyń granttary deńgeıine deıin kóterý kerek», dedi Elbasy.

Erteńge senimdilik arman-maqsattarynyń is júzinde júzege asýyna sebepker. Jastar qam­qor­l­yqty, qoldaýdy udaıy sezi­nip keledi. Elbasy aıtqandaı, jańadan salynatyn stýdenttik jataq­hanalar jáne basqa múmkin­dikter memlekettiń jas­tar­dy qol­daýǵa baǵyttalǵan qam­qo­r­lyǵynyń jalǵasy bolmaq.

Svetlana ANANEVA, Almaty qalalyq QHA ǵylymı-saraptama toby tóraǵasynyń orynbasary, «Belarýs mádenı ortalyǵy» RQB keńesiniń múshesi