Qazaqstan Prezıdentiniń Úndeýinde kórsetilgen bes áleýmettik bastama óziniń ózektiligimen erekshelenedi jáne bul N.Á.Nazarbaevtyń alysty boljaı biletin kóregendiligin bildiredi. Sondyqtan da bizder qazaqstandyqtardyń tabysqa jetýine tilektespiz.
Qazaqstandy bala kezimnen, dálirek aıtqanda, Ekinshi dúnıejúzilik soǵys kezinen bilemin. Bul memleket dinaralyq jáne konfessııaaralyq kelisimi jarasqan, saıası turaqtylyǵy ornyqty álemdegi sanaýly eldiń biri sanalady. Eldiń órkendeýi men qaryshtap damýyna búginde bir mıllıardtan astam musylman qaýymy ǵana emes, álemdik qoǵamdastyq pen álem jurtshylyǵy qyzyǵyp otyr. Qazaqstan mundaı tabysqa yntymaq pen birliktiń, ózara syılastyqtyń arqasynda jetkenin nyq senimmen aıta alamyn.
Fransýz fılosofy Mıshel Monten «nadandyq óshpendilikti týdyrady» dep óte durys aıtqan. О́z basym Qazaqstan Prezıdentiniń óz elinde bilim alýdy qoljetimdi etýge degen shynaıy yqylas-nıetin tolyqtaı qoldaımyn. Sebebi memlekettik grant sanyn kóbeıtý jastardyń bilim alýǵa degen yntasyn arttyrady ári onyń alatyn orny erekshe. Onyń ústine bul eldiń halqy óz zamanynyń oıshyldary ál-Farabı men Avısennanyń biregeı qundylyqtarymen sýsyndap ósken. Sondaı-aq men Qazaqstandaǵy alǵashqy fransýz ýnıversıteti – Sorbonnany ashýmen aınalysqan edim.
Qazaqstan mine endi turǵyndardy baspanamen qamtamasyz etýdi qolǵa alyp otyr. Jasyratyny joq, bul – Fransııada da bar problema. Biz Abbe Per qorymen birlese otyryp óz elimizde turǵyn úı máselesin sheshýdi qarastyrýdamyz. О́ıtkeni bul – kezek kúttirmeıtin, keıinge qaldyrmaıtyn búgingi kúnniń ózekti problemasy.
Prezıdent Nursultan Nazarbaevtyń óz elinde bıznes bastaǵysy keletin myńdaǵan adamǵa shaǵyn nesıe berýdi keńeıtýge degen nıetine, bastamasyna kez kelgen adam qoldaý bildiretinine senimdimin. О́z kezeginde bul qazaqstandyq qoǵamdy ekonomıkalyq turǵydan erekshelendire túsedi. Meniń osynaý izgi nıetti tilegim Qazaqstan Prezıdentiniń joba-josparyn iske asyrýǵa septesedi degen oıdamyn.
Marek HALTER, qoǵam qaıratkeri, quqyq qorǵaýshy (Fransııa)