Aıjan Muqyshbaeva: Syn-tegeýrinderge jaýap berý múmkindigi

Osy oraıda retteýshi tarapynan júrgiziletin baqylaý ekinshi deńgeıli bankter (EDB) prýdensıaldyq normatıvterin saqtap, problemalyq nesıeni azaıtýǵa septigin tıgizý kerek.

Sondaı-aq halyqaralyq qarjy orta­ly­ǵynyń jumysyn iske qosý aıasynda birneshe kvazımemlekettik kompanııanyń aksııa­laryn IPO-ǵa shyǵarý qor naryǵyn damytyp, keń aýqymdaǵy ınvestorlardyń qalyptasýyna jaǵdaı jasaıdy.

Prezıdent memlekettik organdarǵa qaras­ty uıymdardyń sanyn azaıtý arqyly jeke­she­lendirýdi tezdetý kerektigin atap ótti. My­saly, Ulybrıtanııada júzdegen jańa kom­panııa úkimettik sektordan shyǵarylyp, jyldyq quny 1,5 mlrd dollarǵa jetetin memlekettik qyzmet túrlerin kórsetýde.

Memleket basshysynyń Joldaýynda ekonomıka salasyn sıfrlandyrý máselesi kóterilgen. Bul qazirgi tańda memlekettik organdar men jeke sektor úlken aqparattyq aǵynǵa tap bolatynyna baılanysty, bul óz kezeginde kóptegen túıtkildi máselelerdi týdyryp qana qoımaı, kerisinshe, olarǵa úlken múmkindik jasaıdy.

Saýatty qurylym men basqarý bolsa, «úlken derekter» baǵaly aqparatqa jol ashady, bul óz kezeginde ónimniń ózindik qunyn tómendetip, óndirýshilikti arttyrady.

Sıfrly reformanyń taǵy bir qozǵaý­shysy – halyqty ýrbanızasııalaý. Qala hal­qynyń sany kún sanap artýyna baılanys­ty qala ınfraqurylymyna úlken salmaq tú­sýde, bul qala shyǵynyn optımızasııalaý kerektigin bildiredi.

Qazaqstan qalalarynda «Smart Sıtı» kon­sepsııasyn keshendi túrde engizý qala shyǵynyn azaıtýǵa kómektesedi. Sıfr­lan­dyrý Qazaqstan sekildi elderdiń qala­laryna úlken paıda tabýǵa kómektesip, bıznes úrdisterdi qashyqtyqtan basqarýǵa septesedi.

Osylaısha, Elbasy Joldaýyndaǵy álem­degi sońǵy trendterdiń kórinis tabýy kún­delikti qubylǵan álemniń syn-tegeýrinderine jaýap berýge múmkindik beredi.

Aıjan MUQYShBAEVA, Qazaqstan Respýblıkasynyń Tuńǵysh Prezıdenti – Elbasy Qory janyndaǵy Álemdik ekonomıka jáne saıasat ınstıtýtynyń jetekshi sarapshysy