Almatyda «Altyn besik – týǵan jer» atty aıryqsha kórmesi kórermenge jol tartty

Kórme ekspozısııasyna avtordyń 80-nen astam keskindemelik jáne grafı­ka­lyq jumystary qoıylǵan. Olardyń sapynan ofort, lınogravıýra, lıtografııa, qondyrǵyly gravıýra, kitap grafıkasymen salynǵan ásem shyǵarmalardy kez­des­tiresiz. Ártúrli tehnıkamen oryndal­sa da bul jumystardyń árqaısysy ult­tyq kolorıt pen qaıtalanbas dara stı­ldi boıyna sińirgen.

Qalamdastary onyń «Týǵan ólkeniń tarıhynan» toptamasyndaǵy eń belgili grafıkalyq jumystary Qazaqstan gra­fı­kasynyń damýyna zor yqpal etkenin aı­tady. Sýretshiniń eljandylyǵy «Me­­niń Otanymnyń merekeleri», «Kıiz úıdi jınaý» sııaqty taǵy da basqa da keı­ingi jyldardaǵy keskindemelik týyndylarynda kórinis tapqan. Udaıy jańa kórkemdik sheshimderdi izdestirý jolynda júretin Muhtar Syzdyqov óziniń shyǵarmashylyq ıdeıasyna adal – adamnyń rýhanı álemine qaıta-qaıta oralyp otyrady: «Aqynnyń portreti», «Áıeldiń portreti», «Sheberdiń port­reti», «Armıan hanshaıymynyń portreti», «Mahabbattyń portreti» syndy jumystary osynyń mysaly.

– Muhtar Syzdyqovtyń shyǵar­ma­shy­­lyǵy týǵan jerge degen shyna­ıy ma­ha­bbatqa tunǵan. Sýretshi ja­qyn­dap qal­ǵan kúz tabıǵatyn erekshe sezim­tal­dyq­pen beredi. Bult basqan aspan men kól or­tasyndaǵy jalǵyz qaıyq erekshe ishki ja­byrqaý kóńil-kúı men jalǵyzdyqty bil­diredi. «Ertis tańyna» tabıǵattyń ózi­niń tynysy deýge bolatyn tańǵy sal­qyn taza aýaǵa toly «Túrgen ózeni» peı­zajyn qarama-qarsy qoıýǵa bolady. Kók, jasyl, kúlgin tústerden turatyn kolorıt óziniń qanyqtyǵyna qaramastan, peızajdyń úılesimi men tutastyǵyn qu­raıdy. Sýretshi túspen oınap qana qoı­maı, sátti tústik rakýrstar taýyp, ár­bir shtrıhty anyq jazady, – deıdi kór­meniń kýratory Gúlnur Jubanova.

Únsiz jatqan asqar taý men nýly or­man kóńilińe tynyshtyq uıalatady. Sý­retshiniń qaı shyǵarmasynan da qany­myz­ǵa tán qanyq túster men bol­my­sy­myz­­dan syr shertetin ulttyq boıaýlardy kóresiz. Onyń dala kartınalarynan salt-dástúrimiz ben tól tabıǵatymyzdyń ıisi burqyraıdy.

Arman OKTIаBR, «Egemen Qazaqstan»

ALMATY