Bul týraly búgin ShQO ákimi Danıal Ahmetov jýrnalısterge ótkizgen brıfınginde belgili boldy.
Aıta ketý kerek, aldaǵy úsh kúnde Aıagóz qalasynda qarǵyn sýdan zardap shekken 19 otbasy baspanaly bolmaq. Buǵan qosa, aımaq basshysynyń aıtýynsha, 109 úıdi jóndeý úshin qarjy bólinip, jobalyq-smetalyq qujattamalary ázirlengen.
Bul aralyqta Glýbokoe aýdanynda tabıǵı sıpattaǵy tótenshe jaǵdaı saqtalýda. Kún raıynyń kúrt jylynýy men erigen qar sýynyń saldarynan 175 úıge sý kirdi. Jergilikti atqarýshy organdar, kommýnaldyq qyzmet túrleriniń qyzmetkerleri jáne qutqarýshylar Progress, Glýbokoe, Predgornoe jáne Beloýsovka aýyldaryndaǵy sýdy tartý, aǵysyn burý týrasynda jumystar júrgizýde. Búgingi jaǵdaı boıynsha aımaqta 236 úıden áli sý qaıtqan joq.
– Bul birinshiden, Glýbokoe aýdanyndaǵy 175 úı, Shemonaıhadaǵy 42 úı. Tańerteń О́skemen boıynsha 15 úıde áli sý turǵan. Biraq, maǵan málim etkendeı, dál qazirgi ýaqytta ol úıler sýdan tolyq tazalandy. Men jáne ǵana Glýbokoe aýdanyndaǵy Progress aýyly turǵyndarymen kezdestim. Sý kirý sebebi – qarapaıym. 30 jyldan astam ýaqyt, árıne, ol jerlerde mundaı kólemde sý bolǵan joq. Qatyp qalǵan jerdiń tońy óte tereń. Áli jibimedi, sondyqtan sý jerdiń ústimen ketti. Barlyq úıler oıysta ornalasqan, buǵan taý eteginen kelgen sý qosyldy. Onyń ústine aryqtar da tazalanbaǵan, – dedi Danıal Ahmetov.
Keshe tabıǵı sıpattaǵy tótenshe jaǵdaı, taǵy Shemonaıha aýdanynda da jarııalandy. 58 úıdiń turǵyndary jergilikti mektepke evakýasııalanyp, úsh ýaqyt tamaqpen jáne barlyq qajettilikpen qamtamasyz etildi. Qazirgi ýaqytqa muzdyń keptelisi qaladan 42 shaqyrym qashyqtyqqa deıin alshaqtady. Búgin Ýba ózeninde sońǵy muzdy jarý jumystary júrgizildi. Aımaq basshysy, «Shemonaıha qalasyna eshqandaı qaýip joq» dep, sendirdi.
– Keshe Glýbokoe aýdanynan keıin Shemonaıhaǵa bardym. Ol jaqta tańǵy saǵat 6.30-dan 9.30-ǵa deıingi aralyqta sý basa bastady. Barlyq erigen, jaýyn-shashyn sýy Ýba ózeniniń ústimen ketti. О́zenniń deńgeıi mólsherinen 1,5-2 metrge deıin kóterilip ketti. Birqatar úılerdi sý alyp qaldy. Osy aptada muzdy jarý jumystary der kezinde júrgizilgendikten, seń júrdi. Bir saǵattyń ishinde negizgi sý ketti. Aıta ketý kerek, sý alǵan úılerdiń barlyǵy ózenniń ańǵarynda ornalasqan, - dep, atap ótti ShQO ákimi.
О́skemen men Semeı qalalary, Jarma, Ulan, Kúrshim, Zyrıan, Katon-Qaraǵaı aýdandaryndaǵy sý tasý jaǵdaıyn ýshyqtyrmaý jáne aldyn alý maqsatynda barlyq qyzmet túrleri joǵary daıyndyq rejımine kóshirilgen.