Kesheli beri Astanadaǵy jáne Almatydaǵy Reseı elshiliginiń mańynda qazaqstandyqtar Kemerovodaǵy órtten kóz jumǵandarǵa kóńil aıtyp, gúl shoqtary men oıynshyqtar ákelip jatyr. Bul týraly RF elshiliginiń ókilderi habarlady.
«Kemerovodaǵy alapat órtten qaıtys bolǵandardy eske alý maqsatynda Reseı elshiliginiń mańyna qazaqstandyqtar kúni boıy gúlder men oıynshyqtar ákep jatyr. Kóńil aıtqandaryńyz úshin alǵys bildiremiz», dep jazdy Reseıdiń Qazaqstandaǵy elshiligi óziniń feısbýk paraqshasynda.
Esterińizge salaıyq, sońǵy aqparat boıynsha Kemerovo qalasyndaǵy saýda ortalyǵynyń órtenip, saldarynan 64 adam baqılyq boldy.