Qostanaıda qysqy sport túrlerinen paralımpıadanyń Táýelsiz Qazaqstandaǵy tuńǵysh chempıony Aleksandr Kolıadınge qurmet kórsetildi. Oblys ákimi Arhımed Muhambetov chempıonǵa Qostanaı qalasynan beriletin úsh bólmeli páterdiń sertıfıkaty men temir tulpardyń kiltin jáne bir mıllıon teńgeniń sertıfıkatyn tabys etti.
«Táýelsiz elimizde alǵash ret qysqy olımpıadada Aleksandr Kolıadın altyn medalǵa qol jetkizdi. Bul oǵan ońaılyqpen kelgen joq, tynbaı etken eńbektiń nátıjesi. 1997 jyly kólik apatynan aýyr jaraqat alǵan Aleksandr kúırep, boıkúıezdikke urynǵan joq. Qaıta ójettikpen shańǵy sportymen aınalysty, rýhyn syndyrmady. Aleksandr naǵyz batyrlyqty, adam rýhynyń myqtylyǵyn kórsetti. Kóp jyl etken eńbek nátıjesin de berdi, paralımıadada elimizdiń kók Týyn joǵary kóterip qaıtty» dedi Arhımed Begejanuly.
Oblys ákimi Aleksandrdy óziniń týǵan jeri Sarykól aýdanynda alǵash jattyqtyrǵan jattyqtyrýshysy Nıkolaı Stepınge de 500 myń teńgeniń sertıfıkatyn tabystady. Aleksandr Kolıadın ózine kórsetilgen qurmetten keıin oblystyq HHHP kórkemónerpazdar halyq shyǵarmashylyǵy festıvaliniń gala-kOnsertin tamashalady.
Názıra Járimbet,
«Egemen Qazaqstan»
Qostanaı