Elimizdiń Parlamenti depýtattary 28 naýryz ben 6 sáýir aralyǵynda Qostaanı oblysynda bolyp, saılaýshylarmen kezdesedi. Onda halyq qalaýlylary Elbasynyń «Prezıdenttiń 5 áleýmettik bastamasy» atty Úndeýin saılaýshylarǵa túsindirý jumystaryn júrgizedi.
Osyndaı kezdesýdiń birinde depýtattar Baqytjan Ertaev, Nurlan Ábdirov, Iýrıı Tımoshenko,Irına Aronova, Gúlnar Bıjanova oblystyq ishki ister departamentinde bolyp, jeke qurammen kezdesti jáne tártip saqshylarynyń qyzmetti sıfrlandyrý úderisine kýá boldy. Olarǵa azamattarmen jumys júrgizý zaly kórsetildi. Baqytjan Ertaev memlekettik qyzmet paıdalaný úshin kelgen kelgen azamattarmen tildesti. Munan keıin depýtattar Qostanaı qalalyq ishki ister basqarmasyndaǵy basqarý ortalyǵynda boldy. Munda polıseılerdiń jqyzmet babynda planshet qoldanysy tanystyryldy. Sonymen qatar olar «AvtoÝragan» kólik jyldamdyǵyn baqylaý júıesimen de tanys boldy.
Depýtattar polıseılermen kezdesip, olardyń suraqtaryna jaýap berdi.
Názıra Járimbet,
«Egemen Qazaqstan»
Qostanaı