Memleket basshysynyń áleýmettik bes bastamasynyń mańyzyn jumysshylarǵa jan-jaqty túsindirgen Parlament Senatynyń depýtaty Ǵumar Dúısembaev árbir otbasyna baspana alýdaǵy jańa múmkindikter bar ekenin, sondaı-aq joǵary bilim alýda, shaǵyn nesıe berýdi kóbeıtýde jáne eńbekaqy men salyq salasynda da aýqymdy jańalyqtar bolatynyn Atyraý qalasyndaǵy «Nort Kaspıan Opereıtıng Kompanı N.V» kompanııasynyń eńbek ujymymen kezdesýinde aıtty.
Bul qujatta elimizdiń qazirgi damý kezeńindegi jetistikterge saı halyqtyń áleýmettik jaǵdaıyn jaqsartý joldary kórsetilgen.
Senator Ǵ.Dúısembaev «Atyraý» áleýmettik kásipkerlik korporasııasynyń eńbek ujymymen kezdesý ótkizdi. Júzdesýde Elbasynyń alǵa qoıǵan mindetterin oryndaý, eńbek ónimdiligin arttyrý, sapaly ónimder shyǵarý jaıynda aıtyldy.
Sonymen qatar 30 naýryz kúni «Caspian Royal Fish» jaýapkershiligi shekteýli seriktestiginiń «Balyqtyń bekire tektes taýarlyq balyq ósirý jáne jabyq júıede ýyldyryq alý kesheninde» jáne Atyraýdaǵy munaı mashınalaryn jasaý zaýytynda da bolyp, eńbek ujymdarymen kezdesý ótkizdi.