Ortalyq kommýnıkasııalar qyzmetinde Astana qalasynyń 20 jyldyǵyn toılaý aıasynda ótetin múmkindigi shekteýli balalarǵa arnalǵan «Juldyzaı» respýblıkalyq festıvali men spartakıadanyń bastalýyna baılanysty baspasóz máslıhaty ótti.
Jıyn barysynda «BI-Juldyzaı» korporatıvtik qorynyń dırektory, qazylar alqasynyń tóraıymy Gúlhan Isabaeva festıval aǵymdaǵy jyldyń 6-24 sáýiri aralyǵynda óńirlerde oblystyq irikteý kezeńderi, 26-28 mamyr aralyǵynda Astana qalasynda, respýblıkalyq kezeń jáne Gala-konsert 1 maýsym – Balalardy qorǵaý kúnine oraı, qazaqstandyq estrada juldyzdarynyń qatysýymen ótetinin atap ótti.
«Festıval aıasyndaǵy baıqaýlar 6 atalym boıynsha ótedi. Olar: vokal, aspapta oryndaý, ym-ısharatpen oryndaý, horeografııa, beıneleý óneri, kórkem-qoldanbaly óner. Qor 2016 jyldan beri sport baǵytyn damytyp, bilim alýdaǵy erekshe muqtajdyǵy bar balalardy salamatty ómir salty men sportpen aınalysýǵa yntalandyrýǵa yqpal etýi tıis «Juldyzaı» respýblıkalyq spartakıadasyn ótkizip keledi. Bul balalar densaýlyǵyn jaqsartý men ońaltýǵa oń áserin tıgizýde. Jarystar eldiń barlyq óńirinde sporttyń 7 túri boıynsha ótetin bolady: shaǵyn fýtbol, ústel tennısi, otyryp oınaıtyn voleıbol, jeńil atletıka (júgirý, estafeta), ulttyq sport túrlerinen jarys («Bestas», «Asyq atý»), golbol, júzý. Oblystyq irikteý jarystary ótkizilgennen keıin, qyrkúıek aıynda, Astana qalasynyń ozyq sport alańdarynda respýblıkalyq spartakıada ótedi», dedi ol.
Raýan QAIDAR, «Egemen Qazaqstan»