Qazaq KSR prezıdentin saılaýdyń qorytyndysy týraly

Ortalyq saılaý komıssııasynyń habary Bul habar gazettiń 1991 jyldyń 7 jel­toq­sandaǵy nómirinde jarııalanypty. On­da bylaı delingen: «Qazaq KSR Joǵarǵy Keńe­si­niń 1991 jyl­ǵy qazannyń 16-syn­daǵy qaýlysyna sáıkes 1991 jyl­ǵy jeltoqsannyń 1-inde Qa­zaq KSR Prezıdentin saılaý boldy. Qazaq KSR Prezıdentin saı­laýdyń nátı­je­leri týraly orýgtik saılaý komıssııa­la­ry­nan joldanǵan protokoldardy qarap, Qa­zaq KSR Prezıdentin saılaý jónindegi Ortalyq saılaý komıssııasy mynany habarlaıdy: Respýblıka terrıtorııasynda qurylǵan 21 saılaý okrýgi boı­yn­sha saılaýshylar tizimine 9 961 242 azamat engizildi. Daýys berýge olardyń 8 788 726-sy, ıaǵnı 88, 23 prosenti qatysty. Jasyryn daýys  berý úshin saılaý bıýlletenine Qazaq KSR Prezıdentine úmitker N.Á.Nazarbaev pen Qazaq KSR vıse-prezıdentine úmitker E.M.Asanbaev engizildi. Saılaýdyń nátıjesinde N.Á.Nazarbaevty jaqtap 8 681 276 saılaýshy, ıaǵnı daýys berýge qatysqandar sanynyń 98, 78 prosenti daýys berdi. Qazaq KSR Prezıdentine úmitker N.Á.Na­zarbaevtyń famı­lııa­sy syzylǵan saılaý bıýlletenderiniń sany 107 252, ıaǵnı qolǵa berilgen bıýlletender sanynyń 1,22 prosenti. 198 saılaý bıýlleteni jaramsyz dep ta­nyldy. Respýblıkanyń saılaý okrýgteri boı­yn­sha daýys berýdiń nátıjesi tómendegi derektermen sıpattalady». Munan keıin saılaý okrýgteri boıynsha saılaýshylardyń tizimi men daýys berýge qatysqan azamattardyń sany, berilgen daýystar sany týraly arnaıy keste berilgen. Onyń qorytyndysynda «Ortalyq saılaý komıssııasy «Qazaq KSR Prezıdentin saılaý týraly» Zańnyń 21-sta­tıa­syna sáıkes jáne daýys berýdiń qorytyndylary negizinde daýys berýge qatysqan saılaý­shy­lardyń 98,78 prosent daýysyn alǵan Nur­sultan Ábishuly  Na­zarbaevty Qazaq KSR Prezıdenti bolyp saı­landy dep tanydy. Prezıdentpen birge Erik Maǵzumuly Asanbaev Qazaq KSR vıse-prezıdenti bolyp saılandy dep esepteledi» delinipti.