Atyraýda Global Oil&Gas Atyrau-2018 17-shi Soltústik Kaspıı óńirlik kórmesi óz jumysyn bastady. Kórmeniń ashylý saltanatyna Energetıka vıse-mınıstri Bolat Aqsholaqov pen óńir basshysy Nurlan Noǵaev qatysty dep habarlady Atyraý oblysynyń О́ńirlik kommýnıkasııalar qyzmeti.
Is-sharany uıymdastyrýshy Qazaqstan Respýblıkasy Energetıka mınıstrliginiń, Atyraý oblysy ákimdiginiń, «QazMunaıGaz» UK AQ-nyń, KAZENERGY qaýymdastyǵynyń, “KazService” Qazaqstannyń Servıstik kompanııalar odaǵynyń resmı qoldaýymen Iteca Qazaqstandyq kórme kompanııasy bolyp tabylady. Birneshe jyldan beri Global Oil&Gas Atyrau bıznes-kezdesýler men mańyzdy is-sharalar ótkizetin alańǵa aınaldy.
Kórmeniń ashylý saltanatyna QR Energetıka vıse-mınıstri Bolat Aqsholaqov pen óńir basshysy Nurlan Noǵaev, Reseı Federasııasynyń QR-daǵy saýda ókili Aleksandr Iаkovlev jáne Iteca JShS dırektory Iýrıı Borodıhın qatysty.
- Atyraý óńiri josparly ári serpindi damýda. Memleket basshysy Nursultan Nazarbaevtyń tapsyrmasymen oblysta oblys ekonomıkasyn ártaraptandyrý turǵysynda josparly jumystar júrgizilýde. Kórmege qatysýshylarǵa óz rızashylyǵymdy bildirgim keledi, óıtkeni olar da ekonomıkanyń damýyna, kenoryndaryn damytýǵa jáne áriptesterdiń arasyndaǵy qatynastardy damytýǵa óz úlesterin qosýda. Mundaı alań barlyq qatysýshylarǵa olardyń jumys baǵyttaryna qaramastan óz bıznesiniń aýqymy men shekarasyn keńeıtýge múmkindik beredi. Búgingi kúni oblysta myńnan asa sheteldik jáne birlesken kásiporyndar jumys jasaıdy. Oblys álemniń 50 elimen yntymaqtastyqta, - dep atap ótti alǵy sózinde Atyraý oblysynyń ákimi Nurlan Noǵaev.
- Mundaı is-sharanyń munaı-gaz óndirý tarıhy dál osy jerde bastalǵan Atyraý oblysynyń aýmaǵynda ótip otyrǵany qýantady. Munaı-gaz salasy Qazaqstan ekonomıkasy damýynyń qozǵaýshy kúshi bolyp qalady, sondyqtan biz bárimiz onyń serpindi jáne qaryshty damýyna qyzyǵýshylyq tanytamyz. Kórmege júz eldiń ókilderi qatysýda jáne barlyǵy ózderiniń jańashyl sheshimderimen bólise alady jáne jańa iskerlik baılanystar ornata alady, -dep atap kórsetti QR Energetıka vıse-mınıstri Bolat Aqsholaqov.
О́nerkásiptik jabdyqtar men munaı-gaz salasyna barlyq qajetti quraldar bar óz pavılondaryn Ulybrıtanııanyń, Belorýssııanyń, Reseıdiń, Túrkııanyń, Ázirbaıjannyń júzden asa kompanııasy kórsetti. Ekspozısııalardyń sany ótken jylmen salystyrǵanda 8%-ǵa ulǵaıdy.
Global Oil&Gas Atyrau kórmesimen birge kórme kesheninde AtyrauBuild-2018 qurylys jáne ınterer kórmesi ornalasqan, oǵan qatysýshylar qurylys, ınterer, jol qurylysy salasyndaǵy jańalyqtardy tanystyrýda. Kórmeniń barlyq qatysýshylaryna óz ónimi týraly aıtýǵa, jańa kelisimsharttar jasaýǵa múmkindikter berildi.
Munan basqa is-shara baǵdarlamasyna Qazaqstannyń munaı-gaz salasyndaǵy KTK (Kaspıı Qubyr konsorsıýmy), NCOC, Embimunaıgaz sııaqty iri qatysýshylardyń semınarlary men tusaýkeserleri engizilgen.
Kórmeniń altyn áriptesteri «Embimunaıgaz» AQ, NCOC, «Kaspıı Qubyr konsorsıýmy» AQ boldy. Kórmeniń bas áriptesi –bıyl óziniń 25 jyldyǵyn atap ótetin «Teńizshevroıl» JShS.