Batys Qazaqstan oblysy dıqandary kóktemgi egiske daıyn. «О́ńirde agrotehnıkalyq jumysty sapaly atqarýǵa memleket tarapynan barlyq qajetti jaǵdaı jasalǵan. Bıyl ósimdik sharýashylyǵy salasyn qoldaýǵa sýbsıdııa túrinde 1 mlrd. teńgeden asa qarjy bólindi» dep málimdedi Batys Qazaqstan oblystyq aýyl sharýashylyǵy basqarmasy basshysynyń orynbasary Satqan О́mirzaqov.
О́ńirlik kommýnıkasııalar qyzmetinde ótken baspasóz máslıhatyna «Agrarlyq nesıe korporasııasy» AQ BQO fılıalynyń dırektory Erlan Nysanǵalıev pen «Aýyl sharýashylyǵyn qarjylaı qoldaý qory» BQOF bólim basshysy Azamat Ahmetov te qatysty.
Satqan О́mirzaqovtyń aıtýynsha, 2017 jyly aýyl sharýashylyǵy daqyldary egis alqaptarynyń qurylymyn ártaraptandyrý boıynsha Qazaqstan Respýblıkasy Aýyl sharýashylyǵy mınıstrligi men oblys ákimdigi, «QazAgro» AQ jáne «Ulttyq agrarlyq ǵylymı-bilim berý ortalyǵy» AQ arasynda 2017-2021 jyldarǵa arnalǵan tórt jaqty memorandýmǵa qol qoıylǵan.
- Bıyl kóktemgi dalalyq jumystarǵa oblys boıynsha 630-ǵa jýyq sharýashylyq qatysady. 2018 jyly jalpy aýyl sharýashylyǵy daqyldarynyń alqaby 513,5 myń ga bolady dep otyrmyz. Bul byltyrǵydan 11,9 myń ga artyq. Sonyń ishinde maıly daqyldar alqaby 61,0 myń ga bolady dep kútilse, kúnbaǵysty 48,0 myń gektarǵa (2017 j. – 42,8 myń ga) jetkizý oıda bar. Kartop jáne kókónis-baqsha daqyldary alqaby 9500 ga bolady. Onyń ishinde kartop - 4 200 ga, kókónis daqyldary - 3 600 ga, baqsha daqyldary – 1 700 ga bolsa, dıqandar ishki naryqty tolyq qamtyp, kórshiles óńirlerge de shyǵara alady, - deıdi Satqan Erjanuly.
Dál qazir dalalyq jumystarǵa 4215 traktor, 4965 tuqym sepkish, 811 kýltıvator jáne «Djon Dır», «Fleksıkoıl», «Keıs», «Horsh» markaly ónimdiligi joǵary egis keshenderi daıyn tur eken. «Tehnıkalardyń daıyndyǵy 98%! – deıdi óńirlik aýyl sharýashylyq basqarma ókili.
Joǵaryda atalǵan jumysty atqarý úshin oblysta 12 myń tonna dızel otyny qajet. Sáýir aıyna – 5 myń tonna, mamyr aıyna – 7 myń tonna qajet bolsa, bul dızel otynyn jetkizýshi operator - «Batys Arna» JShS bolyp bekitildi. Dızel otynynyń baǵasy lıtrine 141 teńge. Qazir taýar óndirýshiler men «Batys Arna» JShS arasynda kelisimshart júrgizilip jatyr.
- Tuqymdyq dán máselesinde de esh irkilis joq. Oblysta 23,5 myń tonna jazdyq daqyldar tuqymy ázirlendi, ol qajettiliktiń 113,3%-yn quraıdy. О́ńirde joǵary reprodýksııaly tuqym óndirýmen bir elıtalyq tuqym sharýashylyǵy jáne bes tuqym sharýashylyǵy aınalysýda. Olar 6,8 myń tonna tuqym óndirip, 3,5 myń joǵary sapaly aýdandastyrylǵan dándi daqyldar sorttaryn satýǵa ázir otyr. Sonyń ishinde jazdyq bıdaı – 2800 tonna, arpa – 428 tonna, suly – 63 tonna. Maıly daqyldar tuqymyna suranys 500 tonna, sharýashylyqtar 725 tonna tuqymdy ázirlep, satyp aldy, qajetti kólemnen 145% artyq, - dep atap ótti S.О́mirzaqov.
Alqapqa sapaly tuqym sebilýi úshin memleket kómegi de qarastyrylǵan. «Tuqym sharýashylyǵyn damytýdy sýbsıdııalaý» baǵdarlamasy aıasynda 2018 jyly 192,4 mln. teńge qarjy bólindi. Sýbsıdııalar aýylsharýashylyǵy taýar óndirýshileriniń, tuqym sharýashylyqtarynyń shyǵyndaryn ishinara azaıtýdy kózdeıdi. Atalǵan baǵdarlamaǵa sáıkes, aýdandastyrylǵan tuqym sorttaryn satyp alý shyǵyndarynyń 70%, aýdandastyrylmaǵan tuqym sorttaryn satyp alý shyǵyndarynyń 30% sýbsıdııalaý qarastyrylǵan. Buǵan qosa, dıqandar agrotehnıkalyq sharalardy barynsha tolyq saqtaýǵa tyrysady. Kúni búgin oblys sharýashylyqtary 1358 tonna mıneraldy tyńaıtqyshtarǵa tapsyrys beripti. «Qazir bul tyńaıtqysh óndiriletin zaýyttarda tıelý ústinde» deıdi basqarma ókili.
Aıtpaqshy, «Sıfrly Qazaqstan» jobasy aýyl sharýashylyǵyna da ene bastapty. Qazirgi tańda búkil elimiz boıynsha alqaptardy elektrondyq formatqa kóshirý jumysy júrgizilýde. Batys Qazaqstan oblysynda bul jumys bıylǵy 1 shildede deıin aıaqtalýy tıis. Alqaptardy elektrondyq formatqa kóshirý arqyly aýyl sharýashylyǵy jumystaryna bólinetin dızel otyny ádil úlestiriletin bolady. Sonymen qatar, portal kómegi arqyly operator men dıqandar arasynda dızel otynyn on-line satýǵa jáne satyp alýǵa jol ashylady jáne ol elektrondy kelisimshart arqyly júredi. Kóktemgi dalalyq jumystardy qarjylandyrý «Agrarlyq nesıe korporasııasy» AQ-nyń «Keń dala» jáne «Aýyl sharýashylyǵyn qarjylaı qoldaý qory» AQ-nyń «Eginjaı» baǵdarlamalary arqyly júrgizilýde.
Qazbek QUTTYMURATULY
«Egemen Qazaqstan»
Batys Qazaqstan