Sońǵy eki jylda О́skemendegi oblystyq Ana men bala ortalyǵynyń eki gınekolog dárigeri Koreıa men Fransııa elderine baryp, biliktilikterin shyńdap qaıtty.
Ortalyqtyń dáriger neonatology Londondaǵy álemdegi bes ozyq balalar klınıkanyń birinde tájirıbe jınaqtapty. Bıyl mundaǵy dárigerler qatary asa zárý 10 mamanmen - akýsher-gınekologtarmen, pedıatr-neonatologtarmen tolyqpaq. 2018 jyly oqý ornyn bitirip, «Ana men bala ortalyǵyna» jumysqa turǵan jas dárigerlerdiń báriniń kóterme aqshasyn tóleýge «Qazsınk» kompanııasy qarajat bólmek. «Kompanııa ortalyqtyń búgingi zaman talabyna saı bolýyna úlken kómegin kórsetip otyr. Kásiporynnyń qarjylaı qoldaýy nátıjesinde bizdiń dárigerler shetelde oqyp, ozyq tehnologııany, tájirıbeni meńgerip kelip jatyr. Ortalyq analardyń, sábılerdiń densaýlyǵyn saqtap, jaqsartýǵa septigin tıgizgen zamanaýı qural-jabdyq, tehnıkalarmen jabdyqtaldy», - deıdi Ana men bala ortalyǵynyń dırektory Ermek Omarbekov.
«Qazsınk» JShS-niń ákimshilik máseleler jónindegi atqarýshy dırektory Andreı Lazarevtiń aıtýynsha, kompanııa qarjysyna satyp alynǵan qural-jabdyqtar ortalyqtyń barlyq bólimshelerinde jumys istep tur.
«Ortalyqtaǵy kóz janaryn qorǵaý kabıneti jabdyqtarynyń basym bóligi «Qazsınk» JShS qarajatyna alynǵan. Memlekettik - jekemenshik seriktestik negizinde kompanııa qoldaýyna súıene otyryp, ortalyq dárigerleri dıagnostıkalyq taldaýlar jasaýdyń, otanyń jańa túrlerin meńgerip jatyr. Búginde ortalyqta laparoskopııalyq hırýrgııa tásilderi qoldanylýda. Taıaýda neırohırýrgterge eýropalyq klınıkalar ǵana maqtanyp kelgen neıronavıgatorlar kómekke kelmek. Sondaı-aq ortalyqqa sal aýrýyna shaldyqqan balalarǵa arnalǵan robottyq jattyǵý quraldary satyp alynbaq. Balalarǵa qandaı qamqorlyq jasasaq ta eshqashan artyqbolmaıdy. Bul - bizdiń áleýmettik jumysymyzdyń basym baǵyttarynyń biri», - deıdi ol.
Azamat QASYM,
«Egemen Qazaqstan»
О́SKEMEN