Qulaǵynyń múkisi bar jandardan quralǵan qurama komanda shaıbaly hokkeıden Respýblıka chempıonatynyń úsh dúrkin jeńimpazy atandy, dep habarlaıdy Astana qalasy ákimdiginiń resmı saıty.
Astana ákimi Áset Isekeshev jeńimpazdarmen kezdesip, quramany jeńisimen quttyqtady. Elordalyq qurama komanda shaıbaly hokkeıden ótken respýblıkalyq chempıonattyn jeńimpazy atandy.
«Sizderdi jeńisterińizben quttyqtaımyn! Sportqa qashanda rýhy myqty jandar qushtar bolǵan. Onyń ishinde hokkeı er azamattardyń oıyny. Sizderge endi álemdik jarystarda jeńis tileımin», dedi Á. Isekeshev.
Jeńimpazdarǵa gramotalar, estelik jáne aqshalaı syılyqtar tabys etildi. Aıta keteıik, ótken chempıonat 2019 jyly Italııada ótetin sýrdlımpıada oıyndaryna QR-nyń qurama komandasyna eń úzdik sportshylardy alýǵa septigin tıgizedi.
«Árıne ár jeńisimiz bizdiń sportshylarǵa úlken qýanysh jáne alǵa jyljýǵa jiger beredi. О́z atymnan jáne sportshylar atynan memleketimizge, Astana qalasy ákimdigine alǵys aıtamyn. Bizdiń endigi maqsatymyz 2019 jyly Italııa elinde ótetin sýrdlımpıada oıyndarynda júldeli orynnan kóriný. Oǵan álemniń myqty qurama komandalary qatysady», dedi shaıbaly hokkeıden sýrdlımpıada quramasynyń bas jattyqtyrýshysy Talǵat Alpysov.
Shaıbaly hokkeıden ótken Qazaqstan Respýblıkasynyń chempıonaty qulaǵynyń múkisi bar jandar arasynda tórtinshi ret ótip otyr. Alǵashqy oıyn 2015 jyly ótken.Astana qalasynyń qurama komandasy úshinshi jyl qatarynan jeńimpaz atanyp otyr