Qostanaıda belgili sazger Qalıbek Deripsaldınniń ánderin oryndaýshylardyń úsh kúnge sozylǵan respýblıkalyq «Kóktem-qyzdar» án baıqaýy márege jetti. Ol «Rýhanı jańǵyrý» baǵdarlamasynyń bir jyldyǵyna arnaldy.
Ánshi, sazger, respýblıkaǵa eńbegi sińgen mádenıet qaıratkeri, Qazaqstan kompozıtorlar odaǵynyń múshesi, Amangeldi aýdanynyń qurmetti azamaty Qalıbek Deripsaldınniń ánderin ánderi elimizde tanymal, kóp oryndalady. Osy joly onyń ánderin oryndaýshylardyń respýblıkalyq án baıqaýyna Almaty, Astana qalalary men Aqmola, Aqtóbe, Jambyl, Batys Qazaqstan jáne Qostanaı oblystarynan ánshiler qatysty.
Qazylar alqasynyń quramyna elimizge belgili mádenıet qyzmetkerleri, óner adamdary kirdi, oǵan belgili kompozıtor Ermurat Úsenov tóraǵalyq etti. Úshinshi oryndy úsh ánshi bólisti. Ol Qostanaı oblysynyń Altynsarın aýdanynan Gúlbaqyt Jańbyrbaeva, qostanaılyq Azamat Muqatov, Aqmola oblysynan Álim Ámirǵazınge berildi. Ekinshi oryndy Aqtóbe oblysynan kelgen Nurtas Omarov pen Qostanaı oblysynyń Meńdiǵara asýdanynan Qanat Rajanov aldy. Birinshi oryn Batys Qazaqstan oblysynan kelgen dýet Darııa Baqytova pen Dastan Esentemirovke buıyrdy. Al baıqaýdyń bas júldesin jambyldyq kúmis kómeı ánshi Janatbek Qadyrov ıelendi.
Baıqaýdyń gala-konsertinde júldegerlermen qatar respýblıkaǵa aty belgili ánshiler Qalıbektiń ánderin oryndady. Gala-konsertte kompozıtor Qalıbek Deripsaldınniń ózine de qurmet kórsetildi.
Názıra Járimbet
«Egemen Qazaqstan»
Qostanaı