Mańǵystaýda 360 mlrd teńgeni quraıtyn tórt joba júzege asyrylady

Seriktestik ma­ńyndaǵy bos jatqan 30 ga jer telimi qo­symsha bólinip berilgendikten alańda ınvestısııalyq kólemi 360 mlrd teńgeni quraıtyn tórt joba júzege asyrylmaq, olardaǵy jalpy jumys oryndarynyń sa­ny 895 adamdy qamtymaq. Alańda óńir úshin tyń kásip túri bolyp tabylatyn to­qyma fabrıkasyn salý jobasynyń tu­sa­ýy kesildi. 97 mlrd teńge ınvestısııa­la­na­tyn kásiporyn jylyna 32,4 myń tonna ıirilgen jip shyǵarady dep mejelen­gen. Fabrıkanyń qurylysy kezeńinde 200 adam jumys istese, paıdalanýǵa be­ril­gen soń 700 adamdy jumyspen qamtý josparlanyp otyr. Kásiporynǵa otandyq já­ne ishinara ózbekstandyq shıkizat qol­da­­nylyp, daıyn ónimder shetelderge shy­ǵa­rylmaq. 

Atalmysh park aýmaǵynda ınves­tı­sııa­lyq kólemi 80 mlrd teńgeni quraıtyn, qýaty 2h50 MVt gaz-týrbınaly stansanyń qu­rylysy paıdalanýǵa berilgen soń 60 adamdy jumyspen qamtıdy dep jos­parlanǵan, qazaqstandyq shıkizatty tuty­nyp, ónimderin Eýrazııalyq eko­no­mıkalyq odaq elderine jetkizýdi kózd­e­gen bolat ıleý zaýyty jobasy da tar­tymdy bolyp otyr. Quny 50 mlrd teń­gege mólsherlengen zaýyt jylyna 150 myń tonna ónim óndirip, 60 adamnyń jumys ornyna aınalady dep shamalana­dy. 133 mlrd teńge ınvestısııa salynatyn, jylyna 150 myń tonna qýatpen jumys jasaıtyn ferrohrom óndirisinde 75 jumys orny ashylýǵa tıis. Zaýyt úshin qajetti jabdyqtardy Germanııadan alý josparlanǵan, otandyq shıkizattan daı­yn­dalǵan ónimder Japonııaǵa, Qytaıǵa, Úndistanǵa eksporttalatyn bo­lady.

Jaqsy jobalar Jańaózen qalasynyń ın­dýs­trııalyq aýmaǵynda jalǵasyn tap­paq. Mysaly, munaıly qalada júzege asatyn eki ınvestısııalyq joba­ǵa salynatyn qarjy kólemi 162,4 mlrd teńgeni qurap, 210 jumys orny qu­ry­latyn bolady. Qos nysan iske qo­syl­ǵan kezde 1105 adam jumyspen qam­tyl­maq. Olardyń biri – ferrosılı­sıı qo­ryt­pasyn shyǵarý zaý­y­ty bolsa, ekin­shisi – qýaty 2h384 MVt gaz­týr­bı­na­lyq elektr stansasy. Kó­ńilge úmit uıa­la­­tatyn jobalardyń qaı-qaı­sy­sy­nyń da qoldanysqa beriletin merzimi ke­ler jylǵa mejelenip otyr. 

Gúlaıym ShYNTEMIRQYZY, «Egemen Qazaqstan»

Mańǵystaý oblysy