Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń uıymdastyrýymen «Yessenov University» alańynda «Sybaılas jemqorlyq – teris quqyqtyq jáne áleýmettik qubylys» atty taqyrypta debat-saıys ótkizildi.
Saıysqa joǵary jáne kásibı oqý oryndary stýdentteriniń 20-ǵa jýyq toby qatysty. Is-sharanyń ashylý saltanatynda Agenttiktiń Mańǵystaý oblysy boıynsha departamenti basshysynyń orynbasary Q.Baıgebaev saıystyń maqsaty men mindetteri, akademııalyq jáne stýdenttik ortada sybaılas jemqorlyqqa qarsy mádenıetti qalyptastyrýdyń mańyzy týraly aıtyp ótip, Qazaqstan Respýblıkasynyń betke ustar azamaty tyrysyp, bilim-ǵylymdy ıgerýge shaqyrdy.
Belsendi saıys nátıjesi boıynsha ádil qazylar alqasy ıntellektýaldyq oıynnyń jeńimpazdaryn anyqtady. Barlyq jeńimpazdar gramotalar jáne qundy syılyqtarmen marapattaldy.
Gúlaıym ShYNTEMIRQYZY, «Egemen Qazaqstan»