Dál osy kúnderi óńdeý ónerkásibi kásiporyndaryn irilendirý qolǵa alyna bastady. Otandyq iskerler jumylyp másele sheshý, ótkizý naryqtaryn keńeıtý men óndiristi jańǵyrtý maqsatynda «О́ńdeý ónerkásibi kásiporyndary odaǵyna» birigip otyr.
Jańa birlestikti qurý týraly bastama Ortalyq kommýnıkasııalar qyzmetinde ótken brıfıng barysynda habarlandy. Odaqqa mashına jasaý kásiporyndary men «Atameken» QR Ulttyq kásipkerler palatasynda tirkelgen alty salalyq qaýymdastyq kirdi. Bul qaýymdastyqtardyń quramynda túrli joǵary tehnologııalyq ónim shyǵaratyn 243 kompanııa bar.
«Atameken» QR UKP Basqarma Tóraǵasynyń orynbasary Qýanysh Bıshimov Palatanyń jańa birlestik aıasynda bıznesmender birlesken jumysqa daıyn ekenin habarlady. Búginde Ulttyq palatada 140-tan astam túrli qaýymdastyq akkredıttelgen. Bıznestiń salalyq qaǵıdat boıynsha shoǵyrlanýy damýdyń ózekti máselelerin sheshýde birikken myqty sheshimder jasaýǵa jol ashady.
«Biz qashanda qaýymdastyqtardyń irilenýin qoldap keldik. Bıznes óziniń ishki máselelerin jaqsy biledi ári olardy sheshý úshin tıimdi usynystardy daıyndaı alady. «Atameken» iskerlik salaǵa óz máselelerin sheshý úshin aqyldasyp, talqylaý jumystaryna óz alańdaryn berýge árqashan daıyn. «Atameken» zańnamalar men normatıvti-quqyqtyq aktilerine bıznes pen salalyq qaýymdastyqtardyń usynystary men eskertpelerin engizdi. Olardyń 70 paıyzdan astamy memlekettik organdar tarapynan eskerilgen», – dedi Qýanysh Bıshimov.
UKP Basqarma Tóraǵasynyń orynbasary qazirgi tańda «Atameken» memlekettik satyp alýlar júıesin jetildirý jolynda jumys atqaryp jatqanyn málimdedi. Basty mindet – úderistiń transparenttiligin qamtamasyz etý, otandyq taýar óndirýshiler qatysýynyń basymdyǵy jáne qazaqstandyq bıznestiń básekege qabilettiligin arttyrý. Uzaqmerzimdi memlekettik tapsyrystar – damýdyń jaqsy múmkindigi.
«Birigý úderisin tamasha júzege asyryp otyrǵan «Jasampaz» konsorsıýmy jumysyn erekshe atap aıtýǵa bolady. Atalaǵan birlestik QR Qorǵanys mınıstrligimen kıim múligin jetkizý boıynsha 5 jylǵa shart jasasqan. Kásipkerler tehnologııalyq sheńberdi bekite aldy. Iаǵnı maqta ósirýden bastap, óndiristik materıaldar men daıyn ónim shyǵarýǵa deıin úderisti júzege asyryp otyr. Bıznes uzaqmerzimdi sharttar, ósý, keleshektik, ınvestısııalar tartý men óndiristi jańǵyrtýda batyl qadam jasaı alady. Konsorsıým 5 jyl ishinde óndirisitk tizbekti tereńdetip, joǵary qosylǵan quny bar ónim jasaýǵa 6 mlrd teńge salýdy óz mindetine aldy. Jańa Odaq pen «Atamekenniń» osy máselede oıy bir jerden shyǵý kerek dep sanaımyn. Shıkizattan bastap daıyn ónimge deıin óndiristi qolǵa alýymyz kerek», – dedi Qýanysh Bıshimov.
Kásipkerlerdiń aıtýynsha «О́ńdeý ónerkásibi kásiporyndary odaǵy» Ulttyq palata alańyn qosa alǵanda memlekettik organdarmen bolatyn talqylaýlarda sala damýyn alǵa tartý úshin salany damytýdyń negizgi strategııalyq baǵyttary boıynsha qatysýshylardyń biryńǵaı ustanymyn damytýǵa nıetti.
«Memlekettiń ekonomıkalyq damýynyń jańa modelinde óńdeý ónerkásibi sektoryn jańǵyrtpaı bolmaıdy. Ol úshin modernızasııanyń ózekti faktorlaryna – tehnologııalar men qarjy kózderine qoljetimdilik boıynsha máseleni sheshý kerek. Sonymen qatar daıyn ónimdi ótkizý úshin ishki jáne eksporttyq naryqtarǵa shyǵýda barlyq kedergilerdi azaıtý qajet», – deıdi «О́ńdeý ónerkásibi kásiporyndary odaǵynyń» Basqarma Tóraǵasy Marat Baqqulov.
Aınash ESALI,
«Egemen Qazaqstan»