Ortalyq kommýnıkasııalar qyzmeti alańynda О́ńdeýshi ónerkásip odaǵynyń baspasóz konferensııasyn ótkizdi. Is-sharaǵa, odaq basqarmasynyń tóraǵasy Marat Baqqulov, «Atameken» ulttyq kásipkerler palatasy basqarma tóraǵasynyń orynbasary Qýanysh Bıshimov, «Qazaqstannyń farmasevtik jáne medısınalyq ónim óndirýshiler qaýymdastyǵy «Qazaqstannyń Farm MedIndýstrııasy» zańdy tulǵalar birlestiginiń prezıdenti, odaq basqarmasynyń múshesi Rýslan Sultanov, «Qazaqstan Respýblıkasy jıhaz jáne aǵash óńdeý óndirisi kásiporyndarynyń qaýymdastyǵy» zańdy tulǵalar birlestiginiń vıse-prezıdenti, odaq basqarmasynyń múshesi Igor Prosenko, odaqtyń atqarýshy dırektory Ádilbek Bektibaev qatysty.
О́ńdeýshi ónerkásip odaǵyna «Atameken» ulttyq kásipkerler palatasynda tirkelgen alty salalyq birlestik kiredi. О́ndeýshi ónerkásip odaǵy mashına jasaý kásiporyndaryn jáne mashına jasaý, hımııa jáne jeńil ónerkásip, farmasevtıka, lıft, jıhaz, sellıýloza-qaǵaz jáne oraý ónerkásibi salalarynda ártúrli joǵary tehnologııalyq ónimderdi shyǵarýmen aınalysatyn 243 kompanııany biriktiretin alty salalyq assosıasııany biriktirdi.
Zańdy tulǵalar birlestigi Qazaqstan ekonomıkasyna qomaqty úles qosqan kompanııalardy nyǵaıtty. Olardyń ishinde tanylǵan flagmandar – «Alageum Electric» AQ jáne «ASTANA Iýtarııa ltd» óndiristik ınnovasııalyq kompanııasy» JShS. Basty másele: nege biz birigýimiz kerek boldy? Eldiń ekonomıkalyq damýy óńdeýshi ónerkásip sektoryn jańǵyrtýsyz múmkin emes», dep atap ótti M.Baqqulov.
Raýan QAIDAR,
«Egemen Qazaqstan»