Tabıǵattyń keremet sheber ekendigine sóz joq qoı. Ońtústik Qazaqstan oblysy, Báıdibek aýdany Qoshqar ata aýylynda jer astynan alynatyn sarǵysh taqta tastar bar. Bir qyzyǵy, bireý bir-birimen qııýlastyryp qalap qoıǵan sekildi. Betin arshyp jiberip, mashınaǵa arta beresiń. Qoja Ahmet Iаsaýı keshenine bastar sarǵysh taqtaı jol sol Qoshqar ata aýylynyń mańynan qazylyp alynǵan.
Osyndaı keremet Qazaly aýdany aýmaǵyndaǵy «Qarabolat áýlıe» atanǵan jerde de bar. Munda taqta tastar emes, jer astynan jaqpar-jaqpar bolyp qara tuz shyǵady.
Q.Pirimov atyndaǵy aýyldan otyz shaqyrymdaı jerdegi tuzdy kóldiń eni 50-60 metr, uzyndyǵy 600 metrge jetedi delinedi.
Sol mańdaǵy kisilerdiń aıtýynsha, el basyna túsken asharshylyq kezinde Qarabolat degen kisi osy kólge kelip, nesibesin aıyrypty. Tuz satyp kún kórgen.
Emdik qasıeti kóp qara tuzǵa jurt shildeniń onynan tamyzdyń onyna deıin kelip, shomylady eken. Qara tuz – qyshyma jáne ártúrli teri aýrýlary men býyn aýrýlary, sýyq tıgenge paıdaly deıdi qasıetine qanyqqan jurt. Búginde mal arasynda aýsyl derti kóbeıip tur. Ýaqytynda emdese jazyp alady. Asqyndyryp alsa aýrý taratady dep Zeńgi baba tuqymyn óltirip, óleksesin órtep Bekker qudyǵyna tastaıdy. Dáýletin arttyryp otyrǵan malynyń aram ólgeni ıesiniń qabyrǵasyna aıazdaı batatyny anyq. Aýyl aqsaqaldary osy qara tuzdy malǵa jalatsa, aýsyl dertinen aıyqtyratynyn aıtady. Bul da oılanatyn jaǵdaı.
Balshyǵy da, sýy da em qara tuzdyń osyndaı keremetterin bilgen jurt munda jaz aılarynda aǵylyp keledi eken. Kóbisi dertine shıpa taýyp qaıtatyndyqtan áýlıeli jer dep túsinedi.
Baqtııar TAIJAN,
«Egemen Qazaqstan»
Qyzylorda oblysy