Elbasynyń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» Joldaýy aıasynda jáne 2017 jylǵy 4 qyrkúıektegi úshinshi sessııanyń ashylýynda belgilegen tapsyrmalaryna sáıkes, Májiliste «Nur Otan» partııasynyń Májilistegi fraksııasy janyndaǵy Ekonomıkalyq saıasat jónindegi keńestiń kezekti otyrysy ótti, dep habarlady Májilistiń baspasóz qyzmeti.
Onda «Jeke tulǵalardyń bankrottyq máseleleri» taqyryby tóńireginde mańyzdy máseleler qaraldy. Atalǵan taqyryp boıynsha jınalǵandar aldynda baıandama jasaǵan Qarjy mınıstriniń orynbasary Qanat Baedilov azamattardyń boryshtyq mindettemelerin retteý máselesine toqtaldy. Ol osy baǵytta ázirlengen zańnamalyq qujattardyń erekshelikterin jetkizdi. Ásirese boryshkerge bankrottyqty qoldanýǵa jatatyn jaǵdaılar týraly keńinen baıandap, bul rásimdi paıdalana almaıtyn tulǵalar týrasynda sóz etti.
Qosymsha baıandama jasaǵan Májilis depýtaty Amanjan Jamalov Zań jobasynda qaıta qaraýdy qajet etetin birqatar normalardy atap ótti. Al Májilis depýtaty, «Nur Otan» partııasy fraksııasynyń Ekonomıkalyq saıasat jónindegi keńesiniń tóraǵasy Beıbit Mamraev otyrysty qorytyndylaı kele, Zań jobasy boıynsha jumysta eń basty mindetterdiń biri azamattardyń qarjylyq jaǵdaıyn jaqsartýǵa yqpal etetin tetikterdi damytý ekendigin aıtty. Sonymen birge qaryz alýshynyń tólem qabilettiligin qalpyna keltirý prosesine qatysýshylardyń barlyq múddelerin eskere otyryp, osy tetikterge balansty qamtamasyz etý qajettigine toqtaldy.
Keńes otyrysyna memlekettik organdardyń, Ulttyq Banktiń, «Atameken» Ulttyq kásipkerler palatasynyń jáne qoǵamdyq birlestikterdiń ókilderi qatysty.