Danııa Espaeva: Depýtattyq saýalǵa tolyq jaýap kútemiz

Depýtattyq saýalda Úki­met­tiń qaýlysymen eli­miz­diń Qa­rýly Kúshteriniń qajet­tilikteri úshin áskerı-tehnı­ka­lyq, sonyń ishinde zat­taı mú­lik­ti jetkizý boıyn­sha memle­kettik qorǵanys tapsy­rysynyń jalǵyz oryndaýshysy retinde anyqtalǵan «Qazaqstan ınjı­nırıng» ulttyq kompanııa­sy» AQ zattaı múlikpen qamtamasyz etý boıynsha eń iri satyp alý­daǵy barlyq tapsyrysty «Ja­sampaz» konsorsıýmyna bere salǵany jóninde másele kóte­rildi. Al konsorsıým óz keze­ginde tapsyrysty tek óziniń múshelerine ǵana taratyp otyrǵan. Sondaı-aq óndiris je­li­sinde bir-birimen ózara esh baı­lanysy joq, bir­lesken is-sha­ralardy tek kelisil­gen is-áreketterdi júrgizý týraly ýaǵ­dalastyq aıasynda ótkizip otyr­ǵan biren-saran taýar óndirý­shiler ǵana «Jasampaz» kon­sor­sıýmynyń músheleri qata­rynda bolǵany da belgili boldy.

Osylaısha, atalǵan konsor­sıým toqyma ónimderin jetki­zetin otandyq áleýetti taýar ón­d­irýshilerdiń quqyǵyn shek­tedi. Bul ádil jáne adal básekeles­tikti shekteýge jáne kompanııa­lar­dyń bir tobynyń naryqta jasandy ústem­dik jaǵdaıyn qalyp­tas­tyrýǵa alyp keldi. Naq­tyraq aıtsaq, elimizdegi jeńil ónerkásip kásiporyndary qaýymdastyǵynyń 80-nen astam múshesi osy atalǵan memlekettik qorǵanys tapsyrysynyń oryndalýyna qatysa almady.

Ulttyq ekonomıka mınıstr­ligi bizdiń depýtattyq saýaly­myzǵa bergen resmı jaýabynda Qorǵanys mınıstrliginiń is-áreketinde básekelestikti shekteýge baǵyttalǵan sybaılas jemqorlyq belgileri bolýy múmkin ekendigin, sondaı-aq Tabıǵı monopolııalardy retteý jáne básekelestikti qorǵaý komıteti belgilegen jaǵdaıda atalǵan memlekettik organǵa qatysty tergeý isi júrgiziletinin atap kórsetken.

Sondaı-aq jaýapta «Qa­zaq­stan ınjınırıng» ult­­­­tyq kompanııasy» AQ is-áreket­terinde naryqtaǵy báse­keles­­tikti shekteýge qatysty ústem­dik nemese monopolııa­l­yq jaǵ­daıdy teris paıdalaný bel­gileri bolýy yqtı­mal ekendigi de kórsetilgen jáne barlyq tekserý jumystary aıaqtalǵanda qo­rytyndysy boıynsha qosymsha aqparat beremiz degen ýáde bergen edi. Alaıda búgingi kúnge de­ıin eshqandaı aqparat túsken joq.

Osyǵan oraı, «Qazaqstan Res­pýb­lıkasynyń Par­la­­menti jáne onyń depýtat­tary­nyń mártebesi týraly» Kons­tıtýsııalyq zańǵa sáı­kes depýtattyq saýalǵa jaýap qaıtarý memlekettik organ­dardyń laýazymdy tulǵalaryna resmı túrde qoıylǵan talap bolyp sanalatynyn eskerte otyryp, biz Ulttyq ekonomıka mınıstri T.Súleımenovke taǵy da saýal joldap, laýazym­dy tulǵa óz quzyretine kiretin máse­leler boıynsha naqty túsinik­teme berýge nemese ustanymyn málimdeýge tıis ekenin aıttyq. Saýal joldanǵan árbir laýazymdy tulǵa qoıylǵan suraqqa Parlament sessııasynda aýyzsha nemese jazbasha túrde jaýap berýge mindetti. Al biz joǵaryda kórsetilgen máseleler boıynsha UEM tolyq jáne jan-jaqty jaýap berýin talap etemiz.

Danııa ESPAEVA,

Májilis depýtaty