Nıderlandy Koroldiginiń elimizdegi Tótenshe jáne О́kiletti elshisi Dırk Iаn Kop oblysqa sapar barysynda oblys ákimi Bolat Baqaýovpen kezdesti.
Ýnıversıtet baspasóz qyzmetiniń habarynsha, sonymen birge, Dırk Iаn Kop S. Toraıǵyrov atyndaǵy memlekettik ýnıversıtet stýdentterine Nıderlandy ekonomıkasy jóninen dáris oqydy. Stýdentter, oqytýshylar sıfrlandyrý, aýyl sharýashylyǵy , ekologııa, jylyjaılar ósirý salalaryna qatysty qyzyqtyrǵan suraqtaryn qoıdy. Mysaly, oblys ortalyǵynda gollandııalyq kompanııa jylyjaı kombınatyn, taǵy bir kompanııa Aqsý qalasynda, Ekibastuzda jylyjaılar jumys bastady. Jylyjaılar jumysy kompıýterlermen basqarylady. Barlyq qondyrǵy, qurylǵylar Gollandııadan ákelinedi.
– Jylyjaıda jumys isteý úshin ýnıversıtet dıplomy qajet emes, tehnıkalyq bilikti maman qajet, - dedi elshi.
Biraq, ondaı mamandar bizdiń elimizde az. Mysaly, Kaspıı teńizindegi kemeler qyzmetinde kóptegen ýkraındyqtar jumys jasaıdy eken. Bul jerde qazaqstandyq jastardyń da eńbek etý múmkindigi elimiz úshin qajet.
Dáris barysynda bes til biletin elshi Dırk Iаn Kop qazirgi qoldanbaly mamandyqtar qataryndaǵy kadrlardyń qajettiligine de nazar aýdardy. Mysaly, Ekibastuzdaǵy sııaqty gollandyq jylyjaı keshenderine maman, bilikti agronomdarǵa suranys kóbeıýde.Sonymen qatar, Kaspıı teńizindegi kemelerge qyzmet kórsetý naryǵynda da kásibı mamandarǵa da suranys bar. О́ıtkeni, kemeler, júzetin qonaqúıler men ózge ınfraqurylymdar Nıderlandyda jasaldy.
Al, keme qatynasy salasyndaǵy qyzmetti kelisimshartqa otyrǵan ýkraınalyq mamandar júzege asyrady eken. Osy eki mysal arqyly elshi qoldanbaly mamandyqtardyń bizdiń elimizdiń ekonomıkasy úshin asa mańyzdy ekenin jetkizdi. Budan basqa, usta bolsyn, montajshy, gıdrotehnıkter Gollandııada úlken qurmetke ıe, eńbekteri joǵary baǵalanady. Bizdiń elimizben Nıderlandy arasyndaǵy 25 jyldyq yntymaqtastyq týraly, Nıderlandynyń aýmaǵy bizdiń jerimizden 65 ese kishi ekenin de aıtyp ótti. Halyq sany jaǵynan uqsas. Biraq, aýmaǵy shaǵyn bolsa da, azyq-túlik eksporty boıynsha Nıderlandy AQSh –tan keıin ekinshi orynda.
Farıda Byqaı
«Egemen Qazaqstan»
Pavlodar
Sýretti túsirgen: Rýfına Torpısheva