...“kógildir otyn” aýdan ortalyǵyna jetti
Eń shalǵaıdaǵy Qyzylqoǵa aýdanynyń turǵyndary úlken qýanyshqa kenelýde. Osy kezge deıin mal tezegi men kómir jaǵyp, shelek-shelek kúl shyǵarǵandar endi tabıǵı gazdyń qyzyǵyn kóretin boldy. Olaı deıtinimiz, keshe aýdan ortalyǵy – Mııaly aýylynda tabıǵı gazdyń alaýy jandy. Mııalylyq turǵyndardyń qýanyshty sátin oblys ákimi Bergeı Rysqalıev arnaıy kelip bólisip, gaz alaýyn óz qolymen jaqty. Al turǵyndar arasynan tabıǵı gaz qyzyǵyna aldymen Qostan Sabyrovtyń otbasy kenelip otyr.
– Turmysy tómen, kóp balaly sanatyndaǵy 1500-2000 otbasyna merdiger mekemeler gazdy úıine deıin jetkizip beredi, – dedi óńir basshysy B.Rysqalıev aýdan turǵyndarymen kezdesýde.
Joldasbek ShО́PEǴUL, Atyraý oblysy.
...zańdy buzǵan sheneýnikter jazalandy
Oblystyq tártiptik keńestiń alǵashqy májilisinde bir top sheneýniktiń tártibi talqylanyp, túrli jazalarǵa tartyldy. Jıyndy “Nur Otan” HDP oblystyq fılıaly tóraǵasynyń birinshi orynbasary Hamıt Bekishev júrgizip otyrdy.
Aýrýhananyń garajyn senimdi basqarýǵa berý jónindegi zań talaptaryn óreskel buzǵandary úshin oblystyq qarjy basqarmasy bastyǵynyń orynbasary M.Jámálıev minbege shaqyryldy. Talqylaý barysynda kinálary moıyndaryna qoıylyp, oǵan jáne bólim bastyǵy I.Pershınaǵa sógis berý usynyldy. Al Jambyl aýdandyq oqý bóliminiń bastyǵy A.Moıseenkonyń tártiptik keńes talqysyna túsýi birinshi emes. Byltyr bıýdjettiń qarjysyn maqsatsyz jumsaǵany úshin qyzarýyna týra kelgen. Bul joly memlekettik satyp alýdy júrgizý jáne uıymdastyrý talaptaryn burmalaǵany úshin jaýapqa tartyldy.
Al, Taıynsha aýdany Chermoshnıanskoe aýyldyq aımaǵynyń ákimi A.Nemoshkalonyń “Jol kartasy” baǵdarlamasy boıynsha bólingen qarajatty talan-tarajǵa salǵany anyqtaldy. Ol ákimdik apparatynda jumys isteıtin mamannyń qyzyn qaǵaz júzinde jumysqa qabyldap, úsh aıdyń jalaqysyn qyzmettik kólikti jóndeýge jumsaǵan. Tártiptik keńes músheleriniń ony qyzmetinen bosatý týraly usynysy biraýyzdan qabyldandy.
О́mir ESQALI, Soltústik Qazaqstan oblysy.
...kórme ashyldy
Qaraǵandydaǵy “Azııa” saýda ortalyǵynda “Qazaqstan — foto kózimen” kórmesi ashyldy. Onda oblysqa tanymal 19 fotograftyń ár túrli janrda túsirilgen sýretteri qoıylǵan. Sonyń ishinde Ilıa Jıtnıkov, Lıýdmıla Shalımova, Ksenııa Ivanovalardyń tabıǵat kórinisteri, adamdar beınesi beınelengen týyndylary kórermender yntasyn aýdardy.
Atalǵan saýda ortalyǵy jergilikti fotograftardyń kórmesin uıymdastyrýǵa arnaıy bólme bólip, demeýshilik kómek kórsetti. Kórme birneshe kúnge sozylady.
Aıqyn NESIPBAI, Qaraǵandy.