Syrtqy ister mınıstrligi «Sıfrly Qazaqstan» memlekettik baǵdarlamasyn oryndaý aıasynda eki joba júzege asyrmaq. Sol arqyly dıplomatııalyq qyzmet úshin biryńǵaı aqparattyq júıe qurylyp, e-residence jobasy iske qosylady.
Syrtqy ister mınıstrligi aqparattyq tehnologııalar basqarmasynyń basshysy Azamat Bókebaevtyń aıtýynsha, dıplomatııalyq qyzmetke arnalǵan biryńǵaı aqparattyq júıe osy saladaǵy qaǵazbastylyqtan qutylýǵa jaǵdaı jasap, jumysty jańǵyrtýǵa múmkindik beredi.
Al e-residence jobasy arqyly elimizde sheteldik kompanııalardy rezıdent retinde elektrondy portal arqyly tirkeý kózdelip otyr. Soǵan sáıkes kásibin júrgizip, ony qashyqtan basqarýdy kózdegen sheteldikterdiń tirkelý úshin Qazaqstanǵa kelýi mindetti emes.
A.Bókebaevtyń sózine qaraǵanda, e-residence bıyl baıqaý retinde iske qosylady. Alda-jalda jobanyń tıimdi ekeni anyqtalsa, ony 2020 jylǵa deıin iske qosý josparlanǵan.
«Elektrondy rezıdent – Qazaqstan aýmaǵynda bolmaı-aq kásip júrgizýge múmkindik beredi. Sol arqyly sheteldik azamat salyq tóleý, zańdy tulǵa tirkeý sekildi bıznes júrgizýge qajetti búkil prosesti jasaı alady. Zańdy tulǵaǵa óziniń elektrondy sıfrlyq qoltańbasy bar ID karta beriledi. Onyń kómegimen ol qandaı da bir kelisimder jasasyp, memlekettik organdardyń servısi arqyly qujattarǵa qol qoıa alady», dedi A.Bókebaev.
Abaı ASANKELDIULY, «Egemen Qazaqstan»