Oblys aýmaǵynda shybyn-shirkeıge qarsy dezınseksııalyq sharalardy júrgizýge oblystyq bıýdjetten 602,3 mln teńge bólindi. Bıyl ýlaý, dárileý boıynsha Ertis ózeniniń boıyndaǵy 800 shaqyrymdyq aýmaq qamtylady. Bul qarjyǵa masalar men shirkeılerdiń dernásilderine qarsy 199 484 lıtr bıologııalyq, 4 480 lıtr hımııalyq preparat satyp alynady.
Oblys ortalyǵyndaǵy qalalyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń habarlaýynsha, jyl saıynǵy qaıtalanatyn shybyn-shirkeılerdi, masalardy ýlaý, dezınseksııa jumystaryn bıyl «Dezýs» JShS júrgizbekshi. Bul jumys boıynsha, oblys ortalyǵy aýmaǵynda 7 215, Moıyldy aýylynda 25 gektar jer masadan tazartylady. Oblys ortalyǵy, Aqsý qalalarynyń aýyldyq aýmaqtaryndaǵy 19 950 gektar jaıylymdyq jerlerge áýeden dáriler sebiledi. Qaladaǵy 43 saıabaqta, sý qoımalarynda da ýlaý jumystaryn júrgizý josparlanǵan. Astanadaǵy «Ulttyq saraptama ortalyǵy» da masalarmen kúres bastaǵan jerigilikti «Dezýs» JShS ǵylymı turǵydan qoldamaq.
Seriktestik sarapshylary Qazirgi ýaqytta entomolog, bıolog, parazıtolog mamandardan quralǵan top Ertis ózeniniń jaıylymdyq aýmaqtarynda 14 baqylaý núktesi arqyly monıtorıng júrgizýde. Sonymen birge, «Kaýstık» zaýyty men «Qazaqstan Alıýmınııi» AQ-ta óndiristik sý jınalyp qalǵan jerlerden ósip-ónip ushyp shyǵatyn shirkeılerdi tikushaq arqyly ýlaý jumystary júrgiziledi.
Farıda BYQAI, «Egemen Qazaqstan»
Pavlodar