2018 jyldyń 27 sáýirinde Astana qalasynyń jáne «Saryarqa» aýdanynyń 20 jyldyǵyn atap ótý aıasynda Astana qalasy «Saryarqa» aýdanynyń ınvestısııalyq forýmy ótedi. Bul týraly ákimdiktiń baspasóz qyzmeti habarlady.
Forýmnyń maqsaty – ıvestısııa men jańa tehnologııa tartý úshin aýdannyń ınvestısııalyq áleýetin kórsetý, turǵyndardyń ómir súrýi men jumys isteýine barynsha jaǵdaı jasaý, sondaı-aq aýdannyń ekonomıkasyn damytý. Aýdanymyzǵa ınvestısııa jáne tehnologııa tartýdyń negizgi alǵysharttary: ınfraqurylymdy damytý, halyq tyǵyz ornalasqan aýmaqtar, qurylys jáne t.b. úshin bos jer telimderi.
Astanada aýdandyq deńgeıde alǵash ret uıymdastyrylǵaly otyrǵan forýmǵa halyqaralyq jáne qazaqstandyq sarapshylar, memlekettik organdardyń, ulttyq jáne jeke kompanııalardyń ókilderi qatysady.
Astana ekonomıkasynyń damýynda kásipkerliktiń ár alýan salasyndaǵy ınvestısııalyq jobalardyń iske asyrylýy mańyzdy ról atqarady, al bul máseleniń basty faktory jer telimi bolyp esepteledi. Investısııalyq forým sheńberinde ártúrli obektilerdi salýǵa arnalǵan aýdanda ornalasqan 100-den astam jer telimi kórsetiledi.
Forýmdaǵy pikirtalas myna taqyryptar boıynsha órbıdi: ınvestısııalyq ortany damytý jáne jańa ınvestısııalar kózin tabý, ekonomıkanyń kreatıvti sektorlaryn, sıfrlandyrý elementteri bar aqyldy qala jobasyn, jáne qurylysty damytý.
Sonymen qatar, plenarlyq otyrysta birqatar ekijaqty ekonomıkalyq qujattarǵa qol qoıylady.
Is-shara Radisson qonaq úıinde 10:00-13:00 aralyǵynda ótedi.