Oblys ortalyǵyndaǵy Ýralskaıa kóshesinde ornalasqan baspananyń bir jaq qabyrǵasy opyrylyp, qulap tústi.
Nysan 2015 jyly appatty dep tanylǵanyna qaramastan 13 adam janyn shúberekke túıip, turyp kelgen. Apattyq jaǵdaı bolǵan kúni Anna Ryjkova otbasymen birge jıeniniń týǵan kúnin toılap jatqan. Bul otbasy zaqymdalǵan páterdiń ústinde 30 jyldan artyq turyp kelgen. Osyǵan deıin jaǵdaılaryn aıtyp tıisti oryndarǵa barǵanmen, eshqandaı shara kórilmepti. 8 páterlik úıge qalalyq ákimdik qyzmetkerleri birneshe kún buryn kelip, baspananyń irgetasy joǵyn kórgen.
«Qalada appattyq úıler az emes. Jaǵdaıdan habardarmyz.Ákimdik balansynda appattyq úıde turatyndarǵa arnalyp jeke páterler salý qarastyrylmaǵan. Tek 3 otbasyǵa ǵana ýaqytsha baspana berýge qaýqarlymyz», deıdi ákimdiktegiler.
Petropavl qalasy ákiminiń orynbasary Evgenıı Glotovtyń aıtýynsha úsh otbasy baspana kezeginde 100-shi orynda tur. Olarǵa páter berý múmkindikteri izdestirilýde. Apattyq dep tanylǵan úılerdi syrý jáne turǵyndardy basqa úıge kóshirý jaǵy qarastyrylýda. Másele qarajatqa tirelip turǵan jaıy bar.
Apatty úıdegi basqa turǵyndar da alańdaýly. О́ıtkeni kún ótken saıyn qabyrǵadaǵy jaryqtar ulǵaıyp barady. Kez-kelgen mezette nysan úıindige aınalýy múmkin. Qazirgi ýaqytta 5 otbasy turyp jatyr.
Oblys ortalyǵynda 187 adam qonystanǵan 20 úı appattyq jaǵdaıda tur.
О́mir ESQALI, «Egemen Qazaqstan»