Oblystyq tilderdi damytý basqarmasynyń uıymdastyrýymen úsh tildi jetik meńgergen jastardyń arasynda «Tildaryn» atty oblystyq olımpıadasy ótkizildi. Olımpıadaǵa qatysýǵa oblystyń aýdandary men qalalarynan 24 adam belsendilk tanytty.
«Úsh tildi – qazaq, orys jáne aǵylshyn tilderin jetik meńgergen daryndy jastardy anyqtaý jáne qoldaý, sol arqyly qazaqstandyq patrıotızmdi nyǵaıtý, tildik mádenıetti tárbıeleý, ózge halyqtardyń tili men mádenıetin qurmetteýdi qalyptastyrýdy maqsatymyz dep dep bildik», deıdi «Tildaryn» olımpıadasyn uıymdastyrýshylardyń biri, obylstyq tilderdi damytý basqarmasynyń bólim meńgerýshisi Baqytgúl Súleımenova.
Olımpıadaǵa qatysýshylardan tapsyrylǵan taqyryptyń mazmunyn tolyq ashý, tapsyrylǵan taqyryp boıynsha esse jazý, mátinge ilespe aýdarma jasaý talap etildi.
«Tildaryn» oblystyq olımpıadaǵa qatysqandardyń barlyqtaryna sertıfıkattar tabystaldy. Solardyń arasynda úsh tildi erkin meńgerýge talaptanǵandar arnaıy atalymdarmen atalyp ótti. Qarabalyq aýdanynan kelgen Narbek Madına «Sóz sheberi», rýdnyılyq Kývatova Juldyzaı «Til sheberi», Jitiqaradan Tańatova Madına «Kórermen kózaıymy» atalymdaryna ıe bolyp, dıplomdarmen jáne «Sýlpak» turmystyq-tehnıkalar dúkenderi jelisiniń 5 000 teńge kólemindegi syılyq sertıfıkattarymen marapattaldy.
Al olımpıada qorytyndysynda úsh tildi kádimgideı jetik meńgergender erekshe kózge tústi. I oryndy A.Baıtursynov atyndaǵy QMÝ stýdenti Nurmaganbetova Ánıpa jeńip alyp, dıplommen jáne «Sýlpak» turmystyq-tehnıkalardy dúkender jelisiniń 20 000 teńge kólemindegi sertıfıkatymen marapattalady. II orynǵa Jankeldın aýdanynan kelgen Bolat Qorlan ıe bolyp, dıplommen jáne atalǵan dúkenniń 15 000 teńge kólemindegi sertıfıkatymen marapattalady. Al azylar alqasy III oryndy Arqalyq qalasynan kelgen Jarylqasyn Aqerkege laıyq dep tapty. Ol da «Sýlpaktyń» 10 000 teńge kólemindegi sertıfıkatymen marapattaldy.
2018 jyldyń qarasha aıynda Petropavl qalasynda ótetin «Tildaryn» atty respýblıkalyq olımpıadaǵa Qostanaı oblysynyń atynan júldeli I orynǵa ıe bolǵan Nurmaganbetova Anıpa qatysatyn bolady.
Názıra JÁRIMBET, «Egemen Qazaqstan»