Kenshiler astanasynda HHII «Jas qanat» jas oryndaýshylar jáne shoý-baǵdarlama júrgizýshileriniń oblystyq baıqaýy ótti. Bıylǵy jyly ol Astananyń 20 jyldyǵyna jáne jergilikti «Saryarqa» telearnasynyń 60 jyldyǵyna arnaldy.
О́ner jarysynda Qaraǵandy, Jezqazǵan, Balqash, Sátbaev qalalarynan, Buqar jyraý, Jańaarqa, Qarqaraly, Osakarov, Shet jáne Ulytaý aýdandarynan 20 vokalshy men 9 shoý-baǵdarlama júrgizýshisi baq synady. Bıyl baıqaýdyń tarıhynda tuńǵysh ret qazylar alqasy aýdandarǵa shyǵyp, baıqaýǵa qatysýshylardyń irikteý tyńdaýlaryn ótkizgen bolatyn.
Konkýrs qorytyndysynda «Estradalyq vokal» atalymynda Gran-prı júldesin Elaman Májenov jeńip aldy. Birinshi orynǵa Áset Jabaev ıe bolsa, ekinshi júlde Temirlan Boranbaev pen Aqjol Ámirhanǵa bólinip berildi. Al júldeli úshinshi orynǵa Dıana Bekmurzaeva, Tilek Maǵulov jáne Anar Tájentaeva laıyqty dep tanyldy. «Astana týraly úzdik án» atalymynda «Han táńiri» toby úzdik shyqty.
«Shoý-baǵdarlama júrgizýshisi» synaǵynda qazylar alqasy jeńisti Bulbul Berdiqulovaǵa berdi. «Jas qanat» baıqaýynyń oblystyq kezeńinde top jarǵan jeńimpaz Astana qalasynda ótetin respýblıkalyq konkýrsta Qaraǵandynyń namysyn qorǵaıtyn bolady.
Qaırat ÁBILDA, «Egemen Qazaqstan»
QARAǴANDY