Elbasy Nursultan Nazarbaev óziniń «Bolashaqqa baǵdar: rýhanı jańǵyrý» atty baǵdarlamalyq maqalasynda tarıhty taný, bolashaqty baǵdarlaý kerektigin mindetteı kele, aldaǵy birneshe jylda gýmanıtarlyq bilimniń barlyq baǵyttary boıynsha álem ǵalymdary jazǵan eń úzdik 100 kitapty qazaq tiline aýdarý kerektigin, sondaı-aq jastarǵa dúnıe júzindegi tańdaýly úlgilerdiń negizinde bilim alýǵa múmkindik jasaý qajettigin aıtqan bolatyn. Prezıdent tapsyrmasyna sáıkes, elimizde Ulttyq aýdarma bıýrosy qurylyp, joǵary oqý oryndaryna arnalǵan gýmanıtarlyq baǵyttaǵy tańdaýly oqýlyqtar qazaq tiline aýdaryla bastady. Jýyrda ǵana Astana qalasynda jıyn ótip, sol joly Elbasy Nursultan Nazarbaevqa «100 jańa oqýlyq» baǵdarlamasy aıasynda qazaq tiline aýdarylǵan alǵashqy 18 kitap tanystyrylǵan edi. Osy oraıda elimiz boıynsha Qazaqstan halqy Assambleıasynyń biryńǵaı kúni uıymdastyrylyp, aýqymdy shara aıasynda «Jańa gýmanıtarlyq bilim. Qazaq tilindegi 100 jańa oqýlyq» jobasyn talqylaý jumystary bastaldy.
Jastardyń álemniń gýmanıtarlyq oqýlyqtaryn qazaq tilinde oqýyna mol múmkindik ashyp otyrǵan eńbekterdi óńirlerdegi oqý oryndarynyń stýdentterine tanystyrý maqsatynda el kóleminde uıymdastyrylǵan «National bookdating» aksııasy aıasynda Taraz qalasyndaǵy «Taraz Parasat» kolledjinde Jambyl oblysy ákimi apparatynyń «Qoǵamdyq kelisim» mekemesiniń uıymdastyrýymen arnaıy is-shara ótti. Oǵan óńirdegi joǵary jáne arnaýly orta oqý oryndarynyń oqytýshylary men stýdentteri qatysyp, oqýlyqtardy oblystyq Qazaqstan halqy Assambleıasy janyndaǵy ǵylymı-zertteý toby tóraǵasynyń orynbasary Parıda Mamedova tanystyrdy.
О́z sózinde Parıda Mamedova Elbasy tapsyrmasy negizinde 100 oqýlyq tizimin jasaqtaý kezinde 800-ge tarta kitap saraptalyp, taldanǵanyn, solardyń ishinen tańdalyp alynǵan 100 týyndynyń aýdarmaǵa jiberilgenin aıtyp ótti. Osynaý úlken eńbektiń nátıjesinde Derek Djonstonnyń «Fılosofııanyń qysqasha tarıhy: Sokrattan Derrıdaǵa deıin», Entonı Djon men Patrık Kennıdiń «Batys fılosofııasynyń jańa tarıhy, Antıka fılosofııasy» 4 tomdyq kitabynyń 1-tomy jáne «Batys fılosofııasynyń jańa tarıhy, Orta ǵasyr» 4 tomdyq kitabynyń 2-tomy, Remı Hesstiń «Fılosofııanyń tańdaýly 25 kitaby», Devıd Brınkerhovtyń «Áleýmettaný negizderi», Djordı Rıtserdiń «Áleýmettaný teorııasy», Elıot Aronsonnyń «Kópke umtylǵan jalǵyz: áleýmettik psıhologııaǵa kirispe», Dýeın P.Shýls pen Sıdneı Ellen Shýlstiń «Qazirgi psıhologııa tarıhy», Devıd Maıerstiń «Áleýmettik psıhologııa», Gregorı Menkıý men Mark P.Teılordyń «Ekonomıks», Donald F.Kýratkonyń «Kásipkerlik: teorııa, prosess, praktıka», Rıkkı V.Grıffınıdiń «Menedjment», Karen Armstrongtiń «Iýdaızm, hrıstıandyq pen ıslamdaǵy 4000 jyldyq izdenis: Qudaıtaný baıany», Vıktorııa Fromkın, Robert Rodman jáne Nına Haımstiń «Til bilimine kirispe», Svetlana Ter-Mınasovanyń «Til jáne mádenıetaralyq kommýnıkasııa», Alan Barnardtyń «Antropologııa tarıhy men teorııasy», Klaýs Shvabtyń «Tórtinshi ındýstrııalyq revolıýsııa» atty oqýlyqtary jaryq kórgen.
Kitaptardy tanystyrý kezinde P.Mamedova elimizde bir ýaqytta ótip otyrǵan «National bookdating» aksııasynyń negizgi maqsaty – jastarǵa memleket tarapynan kórsetilip otyrǵan qamqorlyqty kórsetý ekendigin aıtyp ótti. Sonymen qatar búgingi tańda qazaq tiline aýdarylǵan tarıh, saıasattaný, áleýmettaný, psıhologııa, dintaný, fılosofııa jáne jýrnalıstıka salalaryndaǵy kitaptardyń árqaısysy 10 myń danamen basylyp, aldaǵy bir aı ishinde joǵary oqý oryndary men kitaphanalarǵa taratylady. Sondaı-aq atalǵan qundy dúnıeler aǵymdaǵy jyldan bastap oqý baǵdarlamalaryna da engizilip, barlyq oqýlyqtardyń elektrondy nusqalary jáne sonyń negizinde ázirlengen beınedárister toptamasy 100kitap.kz saıty arqyly da taralatyn bolady. Kitaptardy tanystyrý kezinde P.Mamedova stýdentterge qolda bar múmkindikti paıdalanyp, atalǵan kitaptardy túgeldeı oqyp shyǵýǵa keńes berdi. Al jıyn barysynda stýdentter qazaq tiline aýdarylǵan jáne aýdarylyp jatqan kitaptarǵa qatysty málimetter jaıynda surap, tıisti jaýap aldy.
Sondaı-aq Taraz qalasyndaǵy «Dostyq» úıinde Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda «Jańa gýmanıtarlyq bilim. Qazaq tilindegi 100 jańa oqýlyq» jobasyn talqylaý maqsatynda Qazaqstan halqy Assambleıasynyń biryńǵaı kúnine oraı jıyn ótti. Oǵan óńirdegi «Jańǵyrý joly» jastar qozǵalysynyń, «Aq jelken» jastar lıgasynyń ókilderi, Taraz ınnovasııalyq-gýmanıtarlyq ýnıversıtetiniń jáne «Bolashaq» kolledjiniń stýdentteri, Jambyl oblystyq jastar saıasaty máseleleri basqarmasyna qarasty «Jastar resýrstyq ortalyǵy» mekemesiniń qyzmetkerleri qatysty.
Jıynǵa qatysqan jastar arasynda gýmanıtarlyq ǵylymdar sheńberinde qazaq tiline aýdarylǵan kitaptardyń alǵashqy toptamalary nasıhattaldy. О́z sózinde Jambyl oblysy ákimi apparaty «Qoǵamdyq kelisim» mekemesi kórme zalynyń meńgerýshisi Vera Maıkovıch «Qazaq tilindegi 100 jańa oqýlyq» jobasy boıynsha aýdarylǵan kitaptardyń búgingi jastar úshin asa mańyzdylyǵyn aıtyp ótti. Sondaı-aq aldaǵy ýaqyttarda jastardyń atalǵan kitaptar arqyly álemdik deńgeıdegi gýmanıtarlyq baǵyttaǵy ǵylymdardy tereń ıgerýge múmkindik alatyny da aıtyldy. Shara barysynda jastar 200 aýdarmashy men 40 redaktor birlese eńbek etken kitaptar týraly surap, naqty jaýaptar aldy. Sonymen qatar jańa jınaqtar týraly arnaıy beınerolık kórsetilip, jınalǵan jastar «Dostyq» úıiniń sáýletimen tanysty.
Hamıt ESAMAN, «Egemen Qazaqstan»
Jambyl oblysy