Elbasymyz Nursultan Nazarbaevty «Halyq Qaharmany» ataǵyna usyný jónindegi qalalyq ardagerler keńesiniń atynan jazylǵan aq nıet hattan jaqsy habar kútýshilerdiń birimin. Mundaı tilekter talaı bolǵan. Basymyzdan kóp jaǵdaılardy keshken, qoǵamdyq, memlekettik júıeniń aýysqanyn kórgen, ondaǵy san qıly buralań belderden ótken biz úshin ataq-dańqtyń mazmuny da ózgerińkirep bara jatqandaı bolǵan. Ádette, memleket basqarǵan adamnyń úsh-tórtten altyn juldyz taǵýy qalypty nárse sııaqty edi.
Bizdiń qasıetti Táýelsizdigimiz barlyq saladaǵy erkin jelpinispen qatar, ómir maǵynasyna balanar ar-ujdan qundylyǵyn kádýilgi taza deńgeıge kóterýimen qymbat. Bul jóninde Tuńǵysh Prezıdentimiz, Otanynyń aıaýly perzenti Nursultan Ábishuly Nazarbaev óreli ónege tanyta bildi. Taqqa adal otyrýdyń talaı belesinen ótti, jańa turpatty saılaýlar men jalpyhalyqtyq referendýmdarǵa ózi bastamashy boldy. Halyqtyń erkine erik berip, álem talpynyp kele jatqan demokratııa ustyndaryn bekitti. Ataqqumarlaý halyq ataqty aqtaı bilýdiń, eńbek sińirýdiń, ony jarqyratyp taǵyp júrýdiń jaýapkershiligin osydan-aq ańǵarady.
Memlekettik marapat – adam ómirindegi aıryqsha oqıǵa. Onyń astarynda únemi maqtanyshqa bóleıtin qýanysh bar. Elimiz armany Táýelsizdigimizdiń jıyrmasynshy belesine shyqty. Alqynbaı, abyroımen shyqty. Jetistikterimiz júrekti jylytyp, bolashaǵymyzǵa alańdamaıtyn boldyq. Mine, adam balasy úshin, bizdiń súıikti Prezıdentimiz úshin osydan artyq baqyt joq dep esepteımin. Halyq tilegin Úkimet qoldap, Parlament zańdastyrǵanyna sheksiz qýanyshtymyn. Ardaqty Elbasymyzǵa, Ult kóshbasshysyna zor densaýlyq, Otan ıgiligi jolyndaǵy eren eńbegińiz jemisti bolsyn degen tilegimdi jetkizgim keledi.
Aıdos ÁBÝTÁLIPULY, eńbek ardageri.
Aqmola oblysy.