QR Úkimetiniń Qaýlysymen Maýberlınova Nurgúl О́serbaıqyzy aqparat jáne kommýnıkasııalar vıse-mınıstri qyzmetine taǵaıyndaldy. Buryn vıse-mınıstr laýazymynda Alan Ájibaev bolǵan edi, ol bergen ótinishine sáıkes bul laýazymynan bosatyldy, dep habarlaıdy primeminister.kz.
Nurgúl Máýberlınova 1973 jyly Qaraǵandy oblysynda týǵan. Bóketov atyndaǵy Qaraǵandy memlekettik ýnıversıtetin jáne Qaztutyný odaǵynyń Qaraǵandy ekonomıkalyq ýnıversıtetin bitirgen.
Eńbek jolyn 1992 jyly bastaǵan. Túrli jyldary memlekettik organdar qurylymy men kommersııalyq sektorda qyzmet etken.
2006–2008 jyldary — QR Mádenıet jáne aqparat mınıstrliginiń Aqparat jáne muraǵat komıtetiniń bas mamany, bas sarapshy.
2008–2012 jyldary — QR Premer-Mınıstri Keńsesiniń Aqparattyq-saraptamalyq ortalyǵynyń bas keńesshisi.
2012–2016 jyldary QR Prezıdenti janyndaǵy «Ortalyq kommýnıkasııalar qyzmeti» RMM dırektorynyń orynbasary, QR Parlamenti Májilisiniń keńesshisi laýazymynda boldy.
2016 jyldyń shilde aıynan qazirgi kezge deıin QR Aqparat jáne kommýnıkasııalar mınıstrliginiń Aqparat komıtetiniń tóraǵasy bolyp jumys istedi.