Tarazda ózbek kıno­la­rynyń kórsetilimi ótti

Mádenı sharanyń ashylý saltanatynda Jambyl oblys­tyq mádenıet, arhıvter já­ne qujat­ta­ma basqarma­sy­nyń bas­shy­sy Dúı­senáli Byqybaev sóz alyp, kó­ne Taraz jerine kelgen ózbek aǵaı­yndarǵa alǵys bil­dirdi. О́z só­zinde ózbek hal­qy­nyń tanymal re­jısseri Shýhrot Mahmýdov jáne «О́z­bek­­kıno» agenttiginiń ókili Sher­zotjan Keldibaev qazaq pen óz­bek halyqtary arasyndaǵy má­­denı baılanystyń búginde da­­mı túskenin aıtyp, aldaǵy ý­a­­qyt­tarda da áriptestikti art­tyrý kerektigin jetkizdi. Son­daı-aq, 1 mamyr – Qazaq­stan hal­qynyń bir­­­ligi kúni mere­ke­sine oraı Áýlıe­­ata jerine kel­gen meımandar qazaq eliniń qo­naqjaılylyq, dar­­­handyq sııa­qty erekshe qa­sıet­terine toqt­aldy.

«О́zbekkıno» ulttyq agent­ti­gi úsh kún boıy Taraz kórer­men­­de­rine «Aıqyz ertegi», «Urpaq», «Sha­­bandoz», «Tan­ka» sııaq­ty týyndylaryn tar­tý etti. Bul kúnderi qala tur­ǵyndary men qonaqtary ob­lys­tyq qazaq dra­ma teatryna kelip, ózbek kıno­la­ryndaǵy ómir sýretterine qa­nyq­ty. Ási­­rese qaraqalpaq hal­qynyń qa­ra­paıym ómirin sýret­tegen «Tan­ka» fılmindegi aýyl adam­darynyń beıneleri shy­­naıylyǵymen kópshilikti baý­­rady. О́zge kınolardaǵy ázil ar­­qyly berilgen sıýjetter de kó­­rer­men kóńilinen shyqty. Ko­­me­dııalyq sarynmen ómir shyn­­dy­ǵyn astarlap jetkizgen fı­l­m­derdi kórsetý budan bylaı da Taraz tórinde dástúrli túr­de uı­ymdastyrylyp tura­tyn boldy. 

Budan keıin «О́zbekkıno» agent­­tiginiń ókilderi men bel­gi­­li ózbekstandyq rejısser­ler Jambyl oblystyq kıno­­orta­ly­­ǵyn­da bolyp, sheber­lik sy­nypta­ryn ótkizdi. Son­daı-aq fılm t­ú­sirý barysyn­da óz­deriniń jı­na­ǵan táji­rı­be­le­rimen bólisti.

Hamıt ESAMAN, «Egemen Qazaqstan»

Jambyl oblysy