Qaýymdastyq quryldy

Elimiz Táýelsizdiginiń 20 jyl­­­­­dyǵy qarsańynda sport ta­qy­rybyn jazatyn jýrnalıster ara­synda mańyzdy oqıǵa bol­dy. 4 jeltoqsan kúni Astanada sport salasyna qalam tar­tatyn árip­testerimiz arasynda ótken bas­qosýda Týrızm jáne sport mınıs­trliginiń qol­da­ýy­men Qa­zaqstan Sport jýrna­lıs­­te­riniń qaýym­das­tyǵy quryldy. Bul másele bıylǵy jyldyń tamyz aıynda ótken I Sport forýmy kezinde kóterilgen edi. Sol kezde sport jýrnalısteriniń qaýymdastyǵyn qurý úshin bas­tamashy top ta jasaqtalǵan bo­latyn. Endi, mine, sol toptyń bas­tamasymen elimizde Qazaqstan Sport jýrnalısteriniń qaýym­das­tyǵy qurylyp otyr. Osy basqosýda qaýymdastyqtyń erejesi men qyzmeti qaralyp,  maq­saty men mindeti belgilendi jáne onyń tóraǵasy men atqarýshy komıtetiniń músheleri saılandy.  Sóıtip, qaýymdastyq músheleri qazaq jáne orys tildi «Sport» jáne «Sport» gazet­te­riniń dırek­tory-bas redaktory Nesip Jú­nisbaevqa daýystaryn berip, ony biraýyzdan qaýymdas­tyqtyń tóraǵasy etip saılady. Qazir Qazaqstan sport jýrna­lısteriniń qaýymdastyǵy Týrızm jáne sport mınıstrligimen birigip jumys isteýge kirisip ketti. Osy rette qaýymdastyq músheleri sport jýrnalısterimen baılanys ornatyp, olarǵa qoldaý kórsetip otyrǵan mınıstrliktiń basshyly­ǵyna, onyń ishinde qaýymdas­tyqty qurýǵa atsalysqan azamat, Sport isteri komıtetiniń tóraǵasy Elsııar Qanaǵatovqa alǵysyn bildiredi. Dastan KENJALIN.